Saakaşvili əfv edilməyəcək

DÜNYA

537

07.07.2025, 14:55

Gürcüstan prezidenti Mixail Kavelaşvilinin müxalifət liderlərinin yerli seçkilərdə iştirakı müqabilində onları əfv etmək təklifi keçmiş dövlət başçısı Mixail Saakaşviliyə aid deyil.

Oxu24.com xəbər verir ki, bunu Gürcüstan parlamentinin spikeri Şalva Papuaşvili deyib.

Onun sözlərinə görə, belə bir istisnanın əsas səbəbi Mixail Saakaşvilinin Ukrayna vətəndaşlığıdır. Papuaşvilinin sözlərinə görə, bunu nəzərə alsaq, Saakaşvilinin seçkilərdə iştirakı qeyri-qanunidir və hətta keçmiş prezidentin siyasi mövzularla bağlı açıqlamaları da “xarici müdaxilə” hesab olunur.

"Xeyr, əlbəttə ki, bu təklif Ukrayna vətəndaşlarına aid deyil. Təklif Gürcüstan Konstitusiyasını və qanunları bilərəkdən pozan bir neçə siyasətçiyə aiddir", - Papuaşvili bildirib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

İyulun 4-də Kavelaşvili bildirib ki, o, parlament komissiyası ilə əməkdaşlıqdan imtina etdiklərinə görə məhkum olunmuş siyasətçilər rəsmi müraciət etsələr və seçkilərdə iştiraka hazır olduqlarını təsdiqləyəcəklərsə, onların əfv olunması məsələsinə baxmağa hazırdır.

2025-ci il martın 12-də məhkəmə Saakaşvilini 3,2 milyon dollardan çox dövlət vəsaitini mənimsəməkdə təqsirli bilib və 9 il müddətinə azadlıqdan məhrum edib. 2007-ci il noyabrın 7-də müxalifətin mitinqinin dağıdılması və Gürcüstanın “İmedi” televiziya şirkətinin ofisinin dağıdılması ilə bağlı işlər hələ də davam edir. 2022-ci ilin mayında uzun sürən aclıq aksiyasından sonra səhhətinin pisləşməsi ilə əlaqədar Saakaşvili həbsxanadan Tbilisinin özəl “Vivamed” klinikasına yerləşdirilib və bu günə kimi oradadır.

Nigar