Qaynar xətt:

(+99450) 247 90 86

"Mübarizənizdə tək deyilsiniz" - Lukaşenkodan İrana dəstək 

DÜNYA

227

27.06.2025, 16:59

Belarus prezidenti Aleksandr Lukaşenko İran prezidenti Məsud Pezeşkianı dəstəklədiyini bildirib.

Oxu24.com  xəbər verir ki, o, Ali Avrasiya İqtisadi Şurasının iclasında dəstək sözləri deyib.

“Cənab prezident, bilmənizi istəyirəm ki, mübarizənizdə  tək deyilsiniz.",-deyə Lukaşenko  bildirib.

Lukaşenko əlavə edib ki, İsrailin İranın nüvə obyektlərinə zərbələri Nüvə Silahlarının Yayılmaması Müqaviləsi, eləcə də Cenevrə Konvensiyalarının müddəalarını pozur.

Bundan əvvəl Pezeşkian ABŞ və İsrailin İranın nüvə obyektlərinə hücumlarının nüvə silahının yayılmaması rejimini sarsıtdığını bildirib.

İyunun 13-də İsrail İranın nüvə və hərbi obyektlərinə zərbələr endirərək “Aslan qalxması” əməliyyatına başlayıb. Tehran buna cavab olaraq “Doğru vəd 3” əməliyyatına başlayıb, İsraildəki hərbi obyektlərə hücum edib.

İyunun 22-nə keçən gecə ABŞ Hərbi Hava Qüvvələri İranın üç nüvə obyektinə, o cümlədən uranın zənginləşdirilməsi üzrə Fordo zavoduna hücum edib. ABŞ prezidenti Donald Tramp deyib ki, zərbələr İranın uranın zənginləşdirilməsi obyektlərini məhv etmək məqsədi daşıyır.

Bundan əvvəl İran prezidenti ABŞ-la “problemləri həll etməyə” hazır olduğunu bildirib.

Miri