Qaynar xətt:

(+99450) 247 90 86

Lukaşenko İranı müdafiə etdi 

DÜNYA

196

27.06.2025, 15:07

İranın nüvə obyektlərinə zərbələr beynəlxalq müqavilələrin təhlükəli pozulmasıdır.

Oxu24.com  xəbər verir ki, bunu Belarus prezidenti Aleksandr Lukaşenko Ali Avrasiya İqtisadi Şurasının iclasında deyib.

“İranın MAQATE-nin nəzarəti altında olan nüvə obyektlərinə son zərbələr beynəlxalq hüququn, o cümlədən Nüvə Silahlarının Yayılmaması Müqaviləsi və 1949-cu il Cenevrə Konvensiyalarının ən təhlükəli pozuntusudur”.

İyunun 13-də İsrail İranın nüvə və hərbi obyektlərinə zərbələr endirərək “Aslan qalxması” əməliyyatına başlayıb. Tehran buna cavab olaraq “Doğru vəd 3” əməliyyatına başlayıb, İsraildəki hərbi obyektlərə hücum edib.

İyunun 22-nə keçən gecə ABŞ Hərbi Hava Qüvvələri İranın üç nüvə obyektinə, o cümlədən uranın zənginləşdirilməsi üzrə Fordo zavoduna hücum edib. Tramp deyib ki, zərbələr İranın uranın zənginləşdirilməsi obyektlərini məhv etməkdir.

İyunun 24-də Ağ Evin rəhbəri İsrail və İranın atəşkəs barədə razılığa gəldiyini açıqlayıb. O, həmçinin qeyd edib ki, ABŞ-ın zərbələri İslam Respublikasının nüvə proqramını məhv edib. Bununla belə, İran Xarici İşlər Nazirliyi ölkənin nüvə qurğularına “ciddi ziyan dəydiyini” iddia edib. İran bundan əvvəl ABŞ-ı təcavüz halında təhdid etmişdi.

Miri