Qaynar xətt:

(+99450) 247 90 86

İran qisası belə alıb 

DÜNYA

120

23.06.2025, 22:15

Nour News İranın Ali Milli Təhlükəsizlik Şurasının bəyanatına istinadən xəbər verir ki, İran ordusu Qətərdəki ABŞ bazasına hücum etmək üçün Vaşinqtonun İslam Respublikasındakı nüvə obyektlərini vurmaq üçün istifadə etdiyi bombaların sayı qədər raketdən istifadə edib.

Oxu24.com  xəbər  verir   ki, “Bu uğurlu əməliyyatda istifadə edilən raketlərin sayı ABŞ-ın İranın nüvə obyektlərinə hücum etmək üçün istifadə etdiyi bombaların sayı ilə eyni idi”, - deyə bəyanatda bildirilir.

İran Təhlükəsizlik Şurası ABŞ-ın Qətərdəki bazasına endirilən zərbələrin əmirlik üçün təhlükə yaratmadığını və Tehranın “Doha ilə isti və tarixi əlaqələri saxlamaq və davam etdirmək öhdəliyinə sadiq qaldığını” bildirib.

İyunun 23-də İran ordusu Qətərə doğru 6 raket, Qələbə müjdəsi əməliyyatı çərçivəsində ABŞ hərbi bazalarının yerləşdiyi İraqa isə daha bir raket atıb. Press TV-nin məlumatına görə, Qətərdəki Amerika aviabazasına üç raket düşüb.

İyunun 22-nə keçən gecə ABŞ prezidenti Donald Tramp bildirib ki, ABŞ Hərbi Hava Qüvvələri İranın üç nüvə obyektinə hücum edib. Əsas hədəf uranın zənginləşdirilməsi zavodu olan Fordo idi. Onun sentrifuqa zalı yüz metrlik qayalıq və dəmir-beton təbəqə ilə örtülmüşdür ki, bu da onu faktiki olaraq bombardmanlara qarşı toxunulmaz edirdi.

Bildirilib ki, İran ABŞ-ın raket zərbələrindən əvvəl Fordo nüvə zənginləşdirmə zavodundan avadanlıq və uranı çıxarmağa nail olub.

Bundan əvvəl Makron ABŞ-ın İrana zərbələrini qanunsuz olaraq tanıyıb.

Nigar