Makron İranda xaricdən hakimiyyət dəyişikliyinə qarşıdır

DÜNYA

140

17.06.2025, 12:32

İranda hakimiyyəti kənardan zorla dəyişmək istəyi strateji səhvdir.

Oxu24.com xəbər verir ki, bunu Fransa prezidenti Emmanuel Makron Kanadada keçirilən G7 sammiti çərçivəsində deyib.

Siyasətçinin fikrincə, ölkənin öz iradəsinə zidd olaraq kənardan zərbə endirməklə və ya hərbi əməliyyatlar keçirməklə xilas ola biləcəyinə inanan hər kəs yanılır. Makron qeyd edib ki, tarix bunu təsdiqləyir.

Makron İsrail və İran arasında hərbi münaqişənin kəskinləşməsini şərh edib. Fransa lideri Tehran və Təl-Əvivi enerji infrastrukturuna, mədəni və inzibati obyektlərə, ən əsası isə mülki əhaliyə zərbə endirməkdən çəkinməyə çağırıb.

İyunun 16-da İsrailin baş naziri Benyamin Netanyahu İrandakı hərbi əməliyyatın əsas məqsədlərini sadaladı və bunun İslam Respublikasında hakimiyyət dəyişikliyi ilə nəticələnə biləcəyini istisna etmədi.

İyunun 13-nə keçən gecə İsrail İrandakı nüvə və hərbi obyektlərə hücum edərək “Aslan qalxması” əməliyyatına başlayıb. Zərbələr nüvə silahının inkişafı ilə bağlı infrastrukturu, eləcə də iranlı generalların yerləşdiyi yerləri hədəf alıb.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Elə həmin axşam İslam İnqilabı Keşikçiləri Korpusu “Əsl vəd 3” adlı cavab əməliyyatının başladığını elan etdi.İsrailə raket zərbələri endirildi. Yerusəlim də daxil olmaqla bir sıra şəhərlərdə hava hücumu sirenləri səslənib. Hər iki ölkədəki zərbələr nəticəsində onlarla insan yaralanıb.

İran və İsrail bir-birinə hücumlarını davam etdirir.

Bundan əvvəl Rusiya prezidenti Vladimir Putin bildirib ki, Rusiya İsrailin İrana hücumunu pisləyir.

Nigar