“Mossad” İranda gizli dron bazası qurubmuş...

2024/10/04/1728050606_2024-04-14t130218z_1830460319_rc2d67auh5gn_rtrmadp_3_israel-palestinians-iran-pic_32ratio_900x600-900x600-20901.jpg

DÜNYA

312

13.06.2025, 14:52

İsrailin iyunun 13-nə keçən gecə İrana qarşı həyata keçirdiyi xüsusi əməliyyatla bağlı əlavə detallar məlum olub.

İsrailin “Ynet” portalı təhlükəsizlik məsələləri üzrə mənbəyə istinadən İran əraizisinə zərbələrin təfərrüatı barədə yazıb.

Bildirilib ki, sözügedən əməliyyat uzun illər ərzində planlaşdırılıb və prosesdə İsrail Müdafiə ordusu, “Mossad” kəşfiyyat xidməti və İsrailin müdafiə sənayesinin nümayəndələri iştirak edib.

Mənbənin sözlərinə görə, əməliyyat çərçivəsində “Mossad” agentləri hücumdan hələ uzun müddət əvvəl paytaxt Tehran yaxınlığında pilotsuz uçuş aparatlarının buraxılması üçün gizli baza yaradıblar.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

O əlavə edib ki, əməliyyatın hazırlıqlarına kəşfiyyat məlumatlarının toplanması və İranın dərinliklərində agentlərin əvvəlcədən yerləşdirilməsi daxil olub. Belə ki, bazanın yaradılması ilə məhz həmin agentlər məşğul olub.

Gecə həmin bazadan buraxılan hücum dronları İranın əsas hərbi məntəqələrindən biri olan “Espacabad” obyektində yerləşən “yer-yer” raket qurğusuna zərbələr endirib.

Onu da xatırladaq ki, İsrail Müdafiə ordusu İrana hücumda ölkənin Hərbi-Hava Qüvvələrinin 200-dən çox qırıcı təyyarəsinin iştirak etdiyini açıqlayıb. Bildirilib ki, həmin qırıcılarla İran ərazisində yüksəksəviyyəli hərbi liderlərin sığınacaqları da daxil olmaqla, 100-dən çox obyektə zərbə endirilib.