Britaniya Gürcüstandakı qrantları ləğv edir

news/2025_06_11/860494_src_1749651114.jpeg

DÜNYA

166

11.06.2025, 18:35

Böyük Britaniyanın Gürcüstandakı səfirliyi bu il oktyabrın 4-nə təyin edilmiş bələdiyyə seçkilərinin ədalətli və şəffaf keçirilməsini təmin etmək üçün nəzərdə tutulan qrantların verilməsini tamamilə dayandırır.

Oxu24.com xəbər verir ki, bu barədə Böyük Britaniyanın Tbilisidəki diplomatik missiyasının iyunun 11-də dərc olunmuş xüsusi bəyanatında deyilir.

Bəyanatda qeyd olunur ki, Gürcüstanda yeni qanunvericiliyin, o cümlədən “xarici agentlər”lə bağlı, eləcə də qrantların verilməsi üçün yeni qaydalar qəbul edildikdən sonra yaranmış qeyri-müəyyənlik səbəbindən Böyük Britaniya səfirliyi bu qanunlara ciddi əməl etməsinə baxmayaraq, Gürcüstan hökumətindən qrant tələbinə cavab ala bilmir.

“Bu səbəbdən biz gələcək bələdiyyə seçkilərinin şəffaflığını və rəqabət qabiliyyətini dəstəkləməyə yönəlmiş qrant təkliflərini ləğv etmək məcburiyyətindəyik”, - səfirliyin bəyanatında deyilir.

Sənəddə, həmçinin 2021-ci ildə keçirilmiş əvvəlki bələdiyyə seçkilərindən fərqli olaraq, hakim “Gürcü Arzusu” partiyası və onun baş nazir İrakli Kobaxidzenin rəhbərlik etdiyi hökumətinin ATƏT/DTİHB-nin müşahidə missiyasını hələ də ölkəyə dəvət etməməsindən və seçkilərin zəruri vətəndaş monitorinqinə şərait yaratmamasından təəssüf hissi ifadə olunur.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Aprelin 16-da Gürcüstan parlamenti “Qrantlar haqqında” qanuna dəyişiklik edib, ona əsasən, hər hansı qrant (idmanın inkişafı üçün nəzərdə tutulan qrantlar istisna olmaqla) hər bir “qrant layihəsi”ni öyrəndikdən sonra hökumətin əvvəlcədən razılığı ilə verilə bilər. Fiziki və ya hüquqi şəxs “qeyri-qanuni qrant” alarsa, onlar alınan məbləğin ikiqat miqdarında cərimələnəcəklər. Həmin dəyişiklik “Qrantlar haqqında” qanunun icrasına nəzarəti Korrupsiyaya Qarşı Mübarizə Bürosuna həvalə edir.

Nigar