Müəllimlərlə bağlı şok qərar VERİLDİ 

Bakı şəhərindəki bütün ümumtəhsil məktəblərinin saytlarından müəllimlərin şəkilləri çıxarılıb.

Oxu24.com  xəbər verir ki, bununla bağlı Bakı Şəhəri üzrə Təhsil İdarəsindən məktəblərə göstəriş verilib.

Məlum olub ki, müəllimlərin şəkillərinin məktəb saytlarından çıxarılmasına təhsil işçilərinin nüfuzunu aşağılamağa yönəlmiş addımlar səbəb olub.

Belə ki, bu yaxınlarda Bakıdakı 145, 86 və 17 nömrəli məktəblərin müəllimlərinin şəkillərini saytlardan götürən naməlum şəxslər onların üzərində qeyri-etik məzmunlu dəyişikliklər edərək sosial şəbəkələrdə paylaşıb və lağ obyektinə çeviriblər. Müəllim nüfuzuna ciddi zərbə vuran qanunsuz əməllərin kimlər tərəfindən edildiyi hazırda araşdırılır.

Beləliklə, son hadisələr məktəbləri öz müəllimlərinin şəkillərini gizlətməyə məcbur edib. Hazırda Bakıdakı heç bir məktəbin saytında nə direktor və müavinlərin, nə də pedaqoji heyət üzvü olan müəllimlərin şəkilləri qalır. Bəzi təhsil ocaqlarının saytında hətta müəllimlərin şəkillərilə yanaşı, onların ad-soyadlarını belə silməyə məcbur qalıblar.

Bəzi iddialara görə, sosial şəbəkələrdə müəllimlərin şəkilllərilə bağlı qarşı qeyri-etik hərəkətlər edənlər arasında yuxarı sinif şagirdləri də var.

Təhsil eksperti Elmin Nuri Modern.az-a bildirib ki, müəllimlərlə bağlı təhqiredici materialların sosial şəbəkələrdə yayılması bir neçə şəxsin məsuliyyətsiz davranışından daha böyük problemin göstəricisidir. Burada söhbət müəllim nüfuzuna, insan ləyaqətinə və cəmiyyətin mənəvi dəyərlərinə münasibətdən gedir.

“Müəllim cəmiyyətin ən həssas və ən vacib peşə sahiblərindən biridir. Həkim insanın bədənini müalicə edirsə, müəllim onun düşüncəsini formalaşdırır. Bir xalqın gələcəyi sinif otaqlarında qurulursa, həmin otaqların mərkəzində müəllim dayanır. Belə bir peşə sahibini məsxərəyə çevirmək, onun şəxsiyyətini alçaltmaq və bunu əyləncə kimi təqdim etmək sadəcə tərbiyəsizlik deyil, bu, mənəvi iflasın göstəricisidir”.

Təhsil müətəxəssisləri deyirlər ki, müəllimini sosial şəbəkələrdə alçaltmağa cəhd edən bir yeniyetmə sabah iş yerində rəhbərinə, küçədə yaşlı insana, ailədə valideyninə də eyni münasibəti göstərə bilər. Hörmətsizlik yoluxucu xəstəlik kimidir; qarşısı vaxtında alınmasa, bütün cəmiyyətə yayılır.

Bu, cəmiyyət üçün təhlükəli siqnaldır (modern.az).

Həmçinin oxuyun

Bakıda yaşayanlara mühüm xəbər:Hansı dəyişiklik OLACAQ?

Yüksək vəzifəyə təyinat aldı  —  ƏMR İMZALANDI

Milli Hidrometeorologiya Xidməti xəbərdarlıq yaydı: 40 dərəcə isti olacaq

Elgiz Əkbər açıqladı: Yeni layihə gəlir -VİDEO