Aparıcıları soyunmağa məcbur edənlər KİMLƏRDİR?  —  Gündəm yaradacaq AÇIQLAMA 

Telli Pənahqızı: “Efirə çıxan aparıcıda, müğənnidə abır- həya, utanc hissi olmalıdır”

Xəbər verdiyimiz kimi, Audiovizual Şuranın yaydığı məlumata görə,ötən ilin dekabr ayında 14 telekanalın aparıcıları Azərbaycan dilində qarşılığı olan 33 xarici sözü 1366 dəfə istifadə edib. Hətta Şura televiziya yayımçılarına monitorinqin nəticələrini ciddi nəzərə almağı və bu istiqamətdə redaksiya nəzarətini gücləndirməyi tövsiyə etmişdi. Bu Şuranın, əlbəttə ki, təqdir olunası bir addımıdır. Onda sual olunur, Audiovizual Şura efirə, hər zaman geyindikləri açıq-saçıq libaslarla gündəmə gələn, tamaşaçılar tərəfindən tənqid edilən aparıcılar haqqında niyə reaksiya ortaya qoymur? 

Mövzu  ilə bağlı  Oxu24.com-un əməkdaşı  əməkdar mədəniyyət işçisi, Milli Televiziya və Radio Şurasına Şura üzvü  Telli Pənahqızı  ilə həmsöhbət olub.

Telli Pənahqızı   bu kimi  halların  onda  təəssüf hissi yaratdığını bildirib.

Həmçinin oxuyun

SON DƏQİQƏ! Xəbəri Putin şəxsən açıqladı: Müharibə...

İlham Əliyev: Ümummilli Lider Heydər Əliyev bugünkü Azərbaycanı görsəydi, şad olardı 

Prezident İlham Əliyev  bu məlumatları rəsmən AÇIQLADI   —  TAM ÇIXIŞ

10 mayda bizi nə gözləyir?  — ULDUZ FALI

"O qədər haqlısınız ki...Əslində dilimizin saflığını, millətimizin qəhrəmanlıq tarixini öyrənmək, yaşatmaq, qoruyub gələcək nəsillərə çatdırmaq təəssüf ki, getdikcə unutdurulmağa, bəlkə bilərəkdən, bəlkə də bilməyərəkdən ikinci plana keçirilib. ( Keçib yox, məhz keçirilir, deyirəm, özü də bilərəkdən planlı şəkildə!) 

Bir xalqı manqurtlaşdırmaq üçün onun dilini ikinci plana keçirmək, vətəndaşı olduğu ölkənin rəsmi dilini, ədəbiyyatını onun əlindən almaq əsas şərtdir. Qaldı geyimə ...vallah gərək insanda bir abır, həya, utanc hissi olsun! Məncə, öz ailəsinin namusunu, qeyrətini çəkən, öz qız övladlarının gələcəyindən narahar olan TV rəhbərləri bu aparıcıları , onların verilişlərə dəvət etdikləri muğənnicikləri də efirə o görkəmdə çıxarmağı qeyrətlərinə gərək sığışdırmasınlar!

Çünki mən ərkim çatan o xanımlara iradımı bildirmişəm, etiraf ediblər ki, bizdən belə tələb edirlər, amma mən bizim özəl telekanallarda belə rəhbərlərin olduğuna inanmaq istəmirəm və inanmıram da! Vallah mənim bütün həyatım TV - də keçib, amma, hələ yadıma gəlmir ki, hansısa rəhbər isçi ( sədrdən tutmuş, efir rejissoruna qədər) bizim geyim işimizə qarışsın, cəmiyyətin , millətin əxlaqına, gənclərin tərbiyəsinə mənfi təsir edən libas geyinməyi təkidlə tələb etsin. Məncə, hər kəs öz adını, öz ailəsini, nəslini, millətini şərəfləndirən işlərlə məşğul olmalı, geyimini, nitqini, hərəkətlərini nəzarətdə saxlamalıdır"-  deyə  Telli Pənahqızı bildirib.

 Ümumiyyətlə, bəzi xanım aparıcıların  verlişdəki mövzu, qonaqlar deyil , məhz  onların geyimi müzakirələrə, çox vaxt isə, qınaq və tənqidlərə səbəb olur. Bunu sosial şəbəkələrdə yazılan şərhlərdən də aydın görmək mümkündür.

 Əntiqə Rəşid