Ramiz Mehdiyevin gəlini ilə bağlı FAKTLAR

news/2025_10_17/afcffc3daede0ad3ab623040781e7264_untitled_1_1760720244.jpg

CƏMİYYƏT

7002

17.10.2025, 20:56

Prezident Adminstrasiyasının keçmiş rəhbəri və Azərbaycan Milli Elmlər Akademiyasının sabiq prezidenti Ramiz Mehdiyevin cinayət məsuliyyətinə cəlb edilməsi onun yaxın ətrafını da diqqət mərkəzinə gəlib.

Bir neçə gündür ki, media Ramiz Mehdiyevin oğlunun, qızının, qardaşı oğlunun və digər yaxınlarının yüksək vəzifələrdə təmsil olunması ilə bağlı məlumatlar yayır.

Qaynarinfo-ya da bu istiqamətdə maraqlı məlumatlar daxil olub. Həmin məlumatlardan aydın olur ki, Ramiz Mehdiyevin gəlini Nigar Mehdiyeva yalnız "Bank BTB"nin əsas payçısı olaraq biznes fəaliyyəti ilə məşğul deyil. O, həm də Azərbaycan Tibb Universitetinin (ATU) Onkologiya klinikasında yüksək vəzifə tutur. Nigar Mehdiyeva klinikanın müalicə işləri üzrə direktor müavini və II cərrahiyyə şöbəsinin müdiri, bölmə rəhbəri vəzifəsində çalışır.

Nigar Mehdiyeva 1993-1999-cu illərdə N. Nərimanov adına Azərbaycan Dövlət Tibb İnstitutunda (indiki ATU) təhsil alıb. Məlumatlarda iddia edilir ki, onun bir həkim kimi karyera yüksəlişində ATU-nun keçmiş rektoru Əhliman Əmiraslanovun müstəsna rolu olub. Hətta onun dosent adı alması da keçmiş rektorun dəstəyi ilə baş tutub.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Nigar Mehdiyevanın ATU-nun klinikasında yüksək vəzifələrə təyinat illəri Əhliman Əmiraslanovun rektor olduğu illərlə üst-üstə düşür. Bundan başqa, Əhliman Əmiraslanovun oğlu Tapdıq Əmiraslanov Ramiz Mehdiyevin oğlu Teymur Mehdiyevlə yaxın dostdur. Onların hər ikisi fövqəladə hallar nazirinin müavini vəzifəsində çalışır.

Əhliman Əmiraslanov hazırda deputatdır. O, Milli Məclisdə 67 saylı Sabirabad seçki dairəsini təmsil edir.

Yazıdakı iddialarla bağlı Əhliman Əmiraslanovun mövqeyini öyrənmək üçün deputata zəng etsək də, telefonu açmadı.