Payızda immuniteti gücləndirməyin yolları
17 Noyabr 2026, 22:22
Qaynar xətt:
(+99450) 247 90 86
CƏMİYYƏT
550
07.07.2025, 20:51
Bu gün Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarəti Xidmətinin (SİMDNX) 8 saylı Şərqi Zəngəzur Regional Bölməsinə yeni təyin edilən rəis və rəis müavini kollektivə təqdim edilib.
Oxu24.com xəbər verir ki, SİMDNX-nın inzibati binasında baş tutan tədbirdə Xidmətin rəisi Rafiq Aslanovun müvafiq əmrləri səsləndirilib. Əmrlərə əsasən, 8 saylı Şərqi Zəngəzur Regional Bölməsinə Ayaz Nəcəfov rəis, Babək Məmmədov isə rəis müavini olaraq təyin olunub.
Tədbirdə çıxış edən SİMDNX-nın rəis müavini Tural Abbasov Şərqi Zəngəzur Regional Bölməsinin yaradılmasının strateji əhəmiyyətindən danışaraq, qurumun vəzifə, səlahiyyət və hüquqları barədə iştirakçılara geniş məlumat verib. O qeyd edib ki, uzun illər işğal altında qalmış, lakin bu gün Azərbaycanın suverenliyi və əzmi ilə yenidən dirçələn ərazilərdə həyata keçirilən hər bir layihə dövlətimizin gələcəyə verdiyi önəmin göstəricisidir.
Şərqi Zəngəzur uzun illər işğal altında qalmış ərazilərimizdəndir. 30 il ərzində bu bölgədə bütün infrastruktur dağıdılmış, yaşayış mühiti tamamilə məhv edilmişdi. 2020-ci ildə 44 günlük Vətən müharibəsində, Ali Baş Komandan İlham Əliyevin rəhbərliyi və Azərbaycan Ordusunun şücaəti ilə torpaqlarımız işğaldan azad olundu. Azad olunan ərazilərə həyat məhz o gündən etibarən qayıtmağa başladı. Hazırda Şərqi Zəngəzurda genişmiqyaslı bərpa və quruculuq işləri həyata keçirilir, regionun sosial-iqtisadi dirçəlişi üçün sistemli addımlar atılır.
"Bu tarixi zəfəri mümkün edən Ali Baş Komandana və Azərbaycan Ordusuna dərin təşəkkürümüzü bildiririk. Vətən uğrunda canını fəda etmiş şəhidlərimizin əziz xatirəsini ehtiramla yad edir, qazilərimizə sağlamlıq və uzun ömür arzu edirik. İndi şükürlər olsun ki, bu torpaqlarda aparılan yenidənqurma və bərpa proseslərində Azərbaycan Dövlət Su Ehtiyatları Agentliyinin və xüsusilə Suların İstifadəsinə və Mühafizəsinə Dövlət Nəzarəti Xidmətinin rolu mühüm əhəmiyyət daşıyır. Qarşıdakı mərhələdə bu fəaliyyətlər regionda dayanıqlı həyatın formalaşmasına, əhalinin həyat səviyyəsinin yüksəlməsinə və ekoloji tarazlığın təmin olunmasına töhfə verəcək," - deyə Tural Abbasov bildirib.
O, həmçinin vurğulayıb ki, regional bölmənin yaradılması nəzarət və idarəetmə mexanizmlərinin yerli səviyyədə daha səmərəli həyata keçirilməsinə imkan verəcək. Bu isə bütövlükdə Xidmətin fəaliyyət effektivliyini artıracaq.
Müvafiq struktur bölmələrin rəhbərləri də çıxış edərək yeni təyinat münasibətilə qurumun fəaliyyətində uğurlar arzulayıblar.
23:10 / 17 Noyabr 2026
47
23:03 / 17 Noyabr 2026
138
22:45 / 17 Noyabr 2026
70
22:22 / 17 Noyabr 2026
80
22:08 / 17 Noyabr 2026
186
21:51 / 17 Noyabr 2026
94
21:38 / 17 Noyabr 2026
97
21:20 / 17 Noyabr 2026
103
21:11 / 17 Noyabr 2026
106
20:45 / 17 Noyabr 2026
107
20:39 / 17 Noyabr 2026
124
20:23 / 17 Noyabr 2026
112
20:12 / 17 Noyabr 2026
125
19:59 / 17 Noyabr 2026
127
19:51 / 17 Noyabr 2026
127
19:40 / 17 Noyabr 2026
222
19:39 / 17 Noyabr 2026
117
19:28 / 17 Noyabr 2026
930
19:21 / 17 Noyabr 2026
123
19:14 / 17 Noyabr 2026
129
19:09 / 17 Noyabr 2026
129
19:06 / 17 Noyabr 2026
311
18:57 / 17 Noyabr 2026
139
© 2026 Oxu24.com Müəllif hüquqları qorunur.