“Şans” imtahanı ilə bağlı abituriyentlərə ŞAD XƏBƏR 

Bütün ixtisas qrupları üzrə qəbul imtahanının I cəhdinin nəticələri artıq açıqlanıb. Hazırda abituriyentlər II cəhdə ciddi şəkildə hazırlaşırlar.

Bu imtahanlar iyulun 6-da II və III ixtisas qrupları, iyulun 13-də isə I, IV qruplar və III TC alt qrupu üzrə keçiriləcək.

Abituriyentlərin əksəriyyəti bu dəfə ballarını artıracaqlarına ümid edir. Bəziləri hesab edir ki, növbəti - "şans imtahanı" daha asan ola bilər.

Maraqlıdır, bu, həqiqətən belə olacaqmı? Qeyd edək ki, I cəhddə heç bir abituriyent 700 bal toplamağı bacarmayıb. İkinci cəhd bu nəticəni dəyişə bilərmi?

Oxu24.com xəbər verir ki, məsələ ilə bağlı Bizim.Media-ya danışan təhsil eksperti Elmin Nuri bildirib ki, məsələyə iki aspektdən yanaşmaq lazımdır:

"Birinci aspekt odur ki, ikinci cəhd imtahanında abituriyentlərin balları yüksələ bilərmi? Mən deyərdim: bəli, bu mümkündür. Çünki ilk cəhdin tapşırıqları həddindən artıq çətinliyi ilə seçilirdi.

Bunu yüzlərlə, hətta minlərlə abituriyentin fikirlərinə və müəllimlərin şərhlərinə əsaslanaraq deyirəm. Hətta buraxılış imtahanlarında 200-250 bal toplayanların bir çoxu blok imtahanlarında 100 balı çətinliklə keçə bilib".

Ekspert bildirir ki, DİM sualları məktəb proqramına uyğun tərtib etsə də, məktəblər kurikulumu kifayət qədər effektiv keçmədiyi üçün suallar abituriyentlər üçün "anlaşılmaz" olur. Bu səbəbdən II cəhd imtahanlarında müəyyən yumşalmalar gözlənilir.

Həmçinin oxuyun

Druz milisləri belə öldürüldü  - Həssas görüntülər  (18+)

Baş nazir Əli Əsədov yeni qərar imzaladı 

DSX generalı vəzifədən azad edilib? İlham Mehdiyev kimdir? 

8-ci sinif şagirdi vəfat etdi - Foto 

"Əgər suallar qismən daha sadə tərtib olunsa, nəticələrdə də yüksəlmə baş verəcək. Amma əsas məqsəd 700 bal deyil", - deyə ekspert vurğulayıb.

700 bal toplamaq zəruridirmi?

Bu suala cavab olaraq Elmin Nuri bildirib:

"700 bal toplamaq uğur göstəricisidir, lakin bu, tələbənin gələcək karyera uğurlarını müəyyən etmir. Əmək bazarında, real həyatda 500 bal toplayan bir gənc 700 ballıq tələbədən daha uğurlu ola bilər. Bu nəticələr çox nisbi və şansdan asılıdır. Əsas olan bacarıq, istedad və davamlı çalışmaqdır".

Qeyd edək ki, II cəhd imtahanında iştirak üçün ödəniş 50 manatdır.Milli.Az