Güzəştli  şərtlərlə  pensiyaya belə çıxmaq olacaq      —   Ekspert açıqladı 

“Əmək pensiyaları haqqında" Qanuna edilən yeni dəyişikliklərə əsasən, güzəştli şərtlər ilə pensiyaya çıxan bir sıra vətəndaşlarımızın, o cümlədən çox uşaqlı anaların güzəşt müddətində pensiyaları dövlət büdcəsindən ödəniləcək.

Dünən bu dəyişikliklər Milli Məclisin Əmək və sosial siyasət komitəsində ikinci oxunuşda qəbul olunaraq plenar iclasa tövsiyə edildi.

Oxu24.com  xəbər verir ki, bu barədə iqtisadçı-ekspert Vüqar Bayramov paylaşım edib.

O qeyd edib ki, bu dəyişiklik ilə əlaqədar ünvanlanan suallardan bir qismi də yaşa görə müavinət alanların güzəşt hüququ və vəsaitin ödənilməsi ilə bağlıdır. "Qanunvericiliyə əsasən, əmək pensiyası almaq hüququ olmayan vətəndaşlarımız da güzəştli şərtlərlə daha tez müavinət almaq imkanına malik olurlar. Belə ki, qanunvericiliyə əsasən, əmək pensiyası almaq üçün ya minimum pensiya kapitalını toplamaq və ya 25 il iş təcrübəsi tələb olunur. Hazırda Azərbaycanda pensiya amnistiyası tətbiq olunduğu üçün 2018-ci il iyulun 1-dək hesabında hətta bir manat yığımı olanlar da pensiya almaq hüququna malikdirlər. Amma bu şərtlərin heç biri olmadığı halda yaşa görə müavinət ödənilir".

İqtisadçı bildirib ki, "Sosial müavinətlər haqqında" Qanuna əsasən, beş və daha çox uşağı olan qadınların, uşaqların səkkiz yaşınadək sağ olması şərti ilə yaş həddi beş il azaldılmaqla yaşa görə müavinət təyin olunur. Yəni həmin analar 59 yaşında sözügedən müavinəti almağa başlayırlar.

Həmçinin oxuyun

Prezident Sərəncam imzaladı 

Vətəndaşlarımız niyə  internet kanallarımızı peyk vasitəsi ilə izləyə bilmirlər?    -  PROBLEM 

İşləməyə Rusiyaya gedənlərə pis xəbər    —     Qalmaqallı qadağa barədə detallar 

SON DƏQİQƏ! Rusiya məşhur azərbaycanlını axtarışa VERDİ

"Eyni zamanda, əlilliyi müəyyən edilmiş uşağı olan qadınların, uşaqların səkkiz yaşınadək sağ olması şərti ilə müavinəti almaq yaş həddi beş il azaldılır.

Göründüyü kimi, əmək pensiyaları hüququ kimi güzəştli şərtlər ilə yaşa görə müavinət də beş il daha tez təyin olur. Yəni əgər bu kateqoriya üzrə qadın bu hüququndan istifadə edirsə, o zaman 59, kişiyə şamil olunursa, o halda 60 yaşında müavinəti ala bilər.

Hazırda bu müavinət hər hansı dövlət qurumuna müraciət edilmədən, heç bir sənəd təqdim edilmədən proaktiv qaydada təyin edilir. Eyni zamanda, sosial müavinətlər onu almaq hüququ olduğu təqdirdə, ən çoxu müraciət edildiyi tarixdən əvvəlki üç il üçün ödənilir", - deyə V.Bayramov qeyd edib.