Hansı evlərə çıxarış VERİLMƏYƏCƏK?     —  ƏMLAK EKSPERTİ İLƏ MÜSAHİBƏ

Bakıda  çıxarış ("kupça") verilməyəcək evlərin siyahısı açıqlanıb. 

Daşınmaz Əmlakın Dövlət Kadastrı və Reyestri PHŞ-nin sədri Nigar Alimova bildirib ki, bəzi ərazilərdəki tikililərin sənədləşdirilməsi qanunla mümkün deyil. Bura aiddir:

* Mühafizə zonaları ərazisindəki evlər;

* Yüksək təzyiqli qaz xətlərinin üzərindəki tikililər;

* Dəmir yolu ərazisində tikilən evlər.

Məsələ ilə bağlı əmlak eksperti Elnur Azadov  Oxu24.com-a  bildirib ki, 2019-cu ildə mən və bir neçə qrup təşəbbüskarlar bu istiqamətdə çıxış etmişdik:

“2023-cü ilin fevral ayında mən brifinqdə iştirak etdim. Əmlak məsələləri Dövlət Xidməti ilə Ədliyyə Nazirliyi birlikdə gələcəkdə vahid portal üzərində bütün daşınmaz əmlak əməliyyatlarının icra olunması ilə bağlı çıxış etdilər. Hətta gələcəkdə qanunsuz tikililərin də bu portaldan qeydiyyatdan keçməsi ilə bağlı bildirdilər. Artıq 3 il keçib. Hələlik bu istiqamətlə bağlı rəsmi açıqlama yoxdur. 

Qanunsuz tikililərin leqallaşması istiqamətində bir çox hüquqi normativlər aparılmalıdır ki, onların əsası bizim ölkədə yoxdur. Bu istiqamətdə bir qərarla, qanunla dəyişiklik etməklə bu problemi kütləvi həll etmək mümkün deyil. Ona görə ki, qanunsuz tikililər müxtəlif hüquqi formada çıxış edir. Bəzi tikililərin isə heç bir sənədi yoxdur. Sənədi olmayan ərazilər də müxtəlif kateqoriyalardan ibarətdir. 

Fikrimcə, daha qlobal məsələ mühafizə zolaqlarında dəmir yolları xətlərinə, kommunikasiya xətlərinə yaxın və ya altında tikilən evlərdir. Lakin bu tikililərin leqallaşması mümkün olmayacaq. Onların sayı ölkədə 100 mindən çoxdur ki, az deyil. Misal olaraq, Nərimanov rayonunun Keşlə qəsəbəsi yaxınlığında təxminən 1 il öncə kütləvi söküntü ilə bağlı 150-200-ə yaxın ev var idi. Onların hökümət tərəfindən sökülməsi ilə bağlı xəbər yayıldı. Düşünürəm ki, bu kimi halların gələcəkdə də təkrarlanması qaçılmazdır",-deyə ekspert bildirib.

Bəs insanlar hüquqi baxımdan hansı çətinliklərlə üzləşir? 

Həmçinin oxuyun

DİN və FHN  təhlükəsizliyinə dair əhaliyə müraciət edib

Pensiyaya çıxmaq istəyənlərə VACİB XƏBƏR: Staj az olduqda...

Bayrama görə ŞAD XƏBƏR: Bu məbləğdə pullar ayrılacaq 

Avtomobil nömrələri ilə bağlı mühüm MƏLUMAT: 30 manat cəriməsi var 

"İlk növbədə deyək ki, çıxarışı olmayanlar qeydiyyata düşə bilmir. Qeydiyyata düşə bilmədiyi üçün ərazi üzrə səsvermə hüququndan məhrum olur, mülkiyyəti tanınmır. 

Yeni tikili binalarda bəzən olur ki, binaya xidmət göstərən mühafizə və ya digər xidmətlər komendantda yığılıb qalır, ödənilmir. Mülkiyyətçisi dəyişəndən sonra komendant əvvəlki borcları sahibkara təqdim edir. 

Qanunsuz tikililərdə yaşayan vətəndaşlar üçün alternativ həll yolları individual məsələdir.  

Əgər bələdiyyələr tərəfindən kütləvi şəkildə hansı əraziyə çıxarış təmin olunubsa, həmin çıxarış sırf yaşayış məntəqələri adı altında yaşayış məqsədilə verilib. 

2023-2024-cü ilin oktyabrında ölkədə torpaqların təyinatının dəyişdirilməsi ilə, kateqoriyaların dəyişilməsi ilə bağlı artıq fərman imzalanıb. Həmin fərman 2025-ci ilin yanvar ayından qüvvəyə minib. Vətəndaşlar torpaqların təyinatı uyğun gəlməyən ərazilərdə tikilmiş evlərin təyinatının dəyişilməsi ilə bağlı ilkin əsaslar var. Bəzən şəhər planlaması düzgün olmadığına görə həmin torpaqların təyinatının dəyişilməsi mümkün olmur. Bura da artıq vətəndaşların kütləvi müraciət lazımdır.

Vaxtilə qanunsuz tikililərin tikilməsinə müdaxilənin olmaması dövlət strukturlarının aparmalı olduğu işlərlə bağlıdır”,-deyə  əmlak eksperti Elnur Azadov   qeyd edib.

Çimnaz Telmanqızı