Müğənnilərə efir qadağasını kim qoyub? – Açıqlandı 

Xəbər verdiyimiz kimi, bir sıra verilişlərin bağlanmasından sonra bəzi müğənnilərə də efir qadağası qoyulduğu barədə məlumatlar yayılıb. Bildirilir ki, Azərbaycan televiziya məkanında artıq ciddi dəyişikliklər baş verir. Məlumata görə, bundan sonra efirə daha çox sənəti, səsi və efir etikası ilə seçilən şəxslərin dəvət olunacağı iddia edilir. Lakin müğənnilərə konkret olaraq hansı qurum tərəfindən efir qadağası qoyulduğuna dair rəsmi açıqlama verilməyib.

Müğənnilərə qadağanı hansı qurum qoyur? Bu məsələ niyə rəsmən təsdiqlənmir? Ümumiyyətlə, belə qadağalarla bağlı qanunvericilik nə deyir?

Globalinfo.az-a danışan vəkil Fuad Məmmədov bildirib ki, “Media haqqında” Azərbaycan Respublikası Qanununun 1.1.5-ci maddəsinə əsasən, audiovizual media – televiziya və radio yayımının, o cümlədən sifarişli yayım xidmətinin müxtəlif texniki üsul və vasitələrlə audio və (və ya) vizual formada istifadəçiyə təqdim edilməsini həyata keçirən mediadır:

“Qanuna görə, audiovizual yayımçı – televiziya və radio yayımında, o cümlədən sifarişli yayım xidmətində proqramların məzmunu üzərində cavabdehlik daşıyan və bu xidmətin yayımlanma üsuluna qərar verən fiziki və ya hüquqi şəxsdir. Qanunun 43.1-ci maddəsinə uyğun olaraq, Azərbaycanda audiovizual media sahəsində tənzimləməni Audiovizual Şura həyata keçirir”.

F.Məmmədovun sözlərinə görə, qanunun 14-cü maddəsində mediada dərc olunan və (və ya) yayımlanan informasiyaya dair tələblər müəyyən olunub:

Həmçinin oxuyun

TƏCİLİ! Səhiyyə Nazirliyi başsağlığı yaydı

6 mayda bizi nələr gözləyir?  — ULDUZ FALI

Prezident TƏSDİQLƏDİ: 400 manat məbləğində...

Bu halda da aliment alına bilər   —  Hüquqşünas AÇIQLADI

“Audiovizual yayımçılar Qanunun 14-cü maddələrində nəzərdə tutulmuş tələblərə – əxlaqdankənar leksik (söyüş) məzmunlu söz və ifadələrdən, jestlərdən istifadəyə, şərəf və ləyaqətin alçaldılmasına, işgüzar nüfuzun ləkələnməsinə, şəxsin ailə və şəxsi həyatına aid sirr olan məlumatların yayılmasına, böhtana, təhqirə və nifrət çıxışlarına yol verməməlidirlər. Audiovizual media sahəsində Qanunun tələblərinin yerinə yetirilməsinə nəzarət etmək Şuranın vəzifələrindəndir”.

Vəkil deyib ki, Qanunun tələblərinin pozulması hallarına audiovizual yayımçılar tərəfindən yol verildikdə, Audiovizual Şura onlara bu barədə tövsiyələr verir, tələblər müəyyənləşdirir və ya icrası məcburi olan qərarlar qəbul edir:

“Bundan sonra hansı verilişin davam etməsi və ya etməməsi, kimlərin verilişə çağırılması və ya çağırılmaması və digər məsələlər barədə qərarı audiovizual yayımçılar özləri qəbul edirlər”.