Ağstafa rayonunda zəlzələ qeydə alınıb. "Report"un Qərb Mərkəzinin məlumatına görə, zəlzələ 3 baldan çox olub. Yeraltı təkanların fəsad törədib-törətmədiyi barədə hələ məlumat yoxdur. Təbii hadisə Qazax rayonunda da hiss olunub. Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin tədqiqatı bürosu da saat 1:21-də Qazax stansiyasından 30 km şimal-şərqdə Ağstafa rayonunda zəlzələnin qeydə alınması barədə məlumat yayıb. Məlumata görə, zəlzələ 3,5 bal gücündə baş verib. Zəlzələ ocağı 8 kilometr dərinlikdə yerləşib. Oxu24.com