Tatarıstan Respublikasının Nijnekamsk şəhərində Taneko zavodunda (Tatarıstan Neft Emalı Kompleksi) yanğın baş verib.

Oxu24.com xəbər verir  ki, bu barədə Baza məlumat yayıb.

Nəşrin məlumatına görə, müəssisənin sütunlarından biri yanır. Hadisə şahidlərinin sözlərinə görə, hazırda ərazidə evakuasiya aparılır. İlkin məlumata görə,  baş verən hadisə nəticəsində ölən olmayıb.

Baza-nın yazdığı kimi, Tatarıstanda da pilotsuz uçuş aparatlarının (PUA) hücum təhlükəsi elan edilib. Fövqəladə Hallar Nazirliyi sakinlərə müvafiq məlumat göndərib. Onlardan evdə qalmaları və pəncərələrə yaxınlaşmamaları tələb olunub. Nijnekamsk hava limanında “Xalça” planı tətbiq edilib. 

Baş verənlərlə bağlı hələlik rəsmi məlumat yoxdur.

Yanvarın 11-i səhər saatlarında Rusiyanın dörd hava limanında əməliyyatlar dayandırılıb. Saratov, Kazan, Nijnekamsk və Ulyanovsk hava limanlarında təyyarələrin gəlişi və gedişi ilə bağlı məhdudiyyətlər tətbiq edilib.