Aİ-92 markalı benzin çərşənbə axşamı 1,86% bahalaşaraq bir ton üçün 49 195 rubl təşkil edib.

Oxu24.com xəbər  verir  ki,bunu Sankt-Peterburq Beynəlxalq Əmtəə və Xammal Birjasında (SPIMEX) ticarət məlumatları sübut edir.

Digər yanacaq növlərinin də qiymətləri artıb.

Belə ki, Aİ-95 markalı benzinin qiyməti 0,4% artaraq bir ton üçün 56 768 rubla, yay dizelinin qiyməti 61 898 rubla (+0,9%) qalxıb.

Mazut 0,22% bahalaşaraq 28 132 rubla çatıb. Ən kəskin artımı LPG göstərib - 10 083 rubla qədər (+5,9%).

Yanacağın bahalaşmasına səbəb Rusiya benzininin xaricə satışına qoyulan qadağanın müvəqqəti olaraq götürülməsi olub.

Bu qərarı Nazirlər Kabineti bir gün əvvəl qəbul edib. İyunun sonuna kimi ixrac bərpa olunub.

İyulun 1-dən avqustun 31-dək məhdudiyyətlər yenidən qüvvəyə minəcək.

Qadağanın yumşaldılması qərarı hökumət tərəfindən daxili yanacaq bazarının doyması və neft emalı zavodlarında ehtiyatların çox olması qorxusu səbəbindən qəbul edilib.

Enerji eksperti Kirill Rodionovun fikrincə, benzin ixracı neft emalı marjalarını dəstəkləyəcək.

Arifə