Prezidentin fərmanı ilə bu quruma yeni səlahiyyət verildi
16 Noyabr 2026, 13:47
Qaynar xətt:
(+99450) 247 90 86
SİYASƏT
763
05.09.2020, 18:46
“Tarixin qlobal və regional baxımdan böyük dəyişikliklərin yaşandığı bir dönəmindən keçirik. İnanırıq ki, bu proses Türkiyə ilə Azərbaycanın gücünü, birliyini artıracaq. Ortaya çıxan problemin həllində bu birliyin müsbət nəticələrinin davamı olacaq”.
Bunu Türkiyə Parlamentinin (TBMM) sədri Mustafa Şəntop Azərbaycan Prezidenti İlham Əliyevin Şərqi Aralıq dənizi ilə bağlı fikirlərini APA-nın yerli bürosuna şərh edərkən deyib.
Hər iki ölkəni birgə qərarlarında haqlı hesab etdiyini bildirən TBMM sədri Türkiyənin beynəlxalq hüquq çərçivəsində Şərq Aralıq dənizindəki təhlükəsizliyini və mənafeyini qorumaq üçün irəli yürütdüyü siyasətə dəstək verən ölkələrdən birincisinin Azərbaycan olduğunu vurğulayıb: “Azərbaycan və Türkiyə problemlərinin həllində də qətiyyətlidir. Fərqliliyimiz və qərarlılığımız əsasında həmrəyliyimiz gün-gündən artmaqdadır və daha da artacağına əminəm”.
M. Şəntop deyib ki, Azərbaycan Prezidenti İlham Əliyevin Yunanıstanın Bakıdakı yeni səfiri Nikolaos Piperigosu qəbul edərkən səsləndirdiyi dəyərli fikirlər bu kontekstdə böyük əhəmiyyətə malikdir: “Cənab İlham Əliyev, Azərbaycan və Türkiyənin yalnız dost və tərəfdaş deyil, qardaş və ortaq taleyi bölüşdüklərini qısa, konkret və məzmunlu şəkildə ifadə etdi. Cənab İlham Əliyevə çox təşəkkür edirəm. Türkiyə heç vaxt Azərbaycanın dəstəyinə şübhə etmir”.
M. Şəntop TBMM sədri olaraq parlament səviyyəsində də bu mühüm və uğurlu əməkdaşlığın nəticələrini müşahidə etdiyini bildirib: “Parlamentarilərimiz də bu fikrin tərəfdarıdır: Harada Türkiyə varsa, Azərbaycan da oradadır, harada Azərbaycan varsa, Türkiyə də var. Hər hansı bir yerdə bu iki qardaş ölkədən birinin təmsil olunması kifayətdir, çünki birinin mənafeyi digərinin əmanətidir”.
TBMM sədri onu da vurğulayıb ki, Azərbaycanla Türkiyə arasında mövcud olan ənənəyə görə, Azərbaycan Parlament sədrinin xaricə ilk səfəri qardaş ölkəyə olacaq: “Bir millət, iki dövlət şüarı əsasında yaranmış münasibətlərimizdə və əməkdaşlığımızda əldə etdiyimiz sürəti, qurduğumuz yüksək səviyyəli təmaslarla daim qoruyacağıq”.
18:45 / 16 Noyabr 2026
27
18:41 / 16 Noyabr 2026
33
18:35 / 16 Noyabr 2026
85
18:23 / 16 Noyabr 2026
61
18:17 / 16 Noyabr 2026
85
18:16 / 16 Noyabr 2026
47
18:05 / 16 Noyabr 2026
68
18:04 / 16 Noyabr 2026
67
17:55 / 16 Noyabr 2026
73
17:50 / 16 Noyabr 2026
263
17:47 / 16 Noyabr 2026
72
17:30 / 16 Noyabr 2026
84
17:26 / 16 Noyabr 2026
95
17:25 / 16 Noyabr 2026
81
17:25 / 16 Noyabr 2026
102
17:19 / 16 Noyabr 2026
92
17:12 / 16 Noyabr 2026
89
17:10 / 16 Noyabr 2026
88
17:01 / 16 Noyabr 2026
96
16:55 / 16 Noyabr 2026
101
16:52 / 16 Noyabr 2026
91
16:50 / 16 Noyabr 2026
92
16:33 / 16 Noyabr 2026
117
© 2026 Oxu24.com Müəllif hüquqları qorunur.