Azərbaycan Demokrat Partiyasının (ADP) sədri Sərdar Cəlaloğlu AXCP sədri Əli Kərimlinin və ailə üzvlərinin karantin dövründə telefon və internet əlaqələrinin kəsilməsi barədə yayılan xəbərlərdən danışıb. 

Sərdar Cəlaloğlu Demokrat.az-a açıqlamasında bildirib ki, Əli Kərimlinin internetinin hakimiyyət tərəfindən kəsilməsi inandırıcı deyil:

"Əgər doğrudan da Əli Kərimlinin interneti kəsilibsə, bəs o, hansı xətlə məsələni ictimailəşdirə bilir? Axı Əli Kərimlinin internetini kəsmək Azərbaycan hakimiyyətinin nəyinə lazımdır? Çünki AXCP sədrinin internetinə kəsmək hökumətə sərf etmir. Şəxsən mən Əli Kərimlinin internetinin hökumət tərəfindən kəsildiyinə qəti inanmıram".

Partiya sədri deyib ki, Əli Kərimlinin doğrudan da interneti kəsilibsə, o zaman qonşularının internetindən istifadə edib fikirlərini çatdıra bilər:

"Bunun üçün alternativlər kifayət qədərdir. İndiki dövrdə interneti kəsmək və bununla da ətrafdan təcrid olunmaq mənə qəribə görünür. Şəxsən bu, mənə inandırıcı gəlmir".