Prezident: Humanitar əməkdaşlıq Azərbaycan və Vyetnamı birləşdirən möhkəm körpü rolunu oynayır
19 Noyabr 2026, 13:47
Qaynar xətt:
(+99450) 247 90 86
CƏMİYYƏT
53
19.11.2026, 13:53
İnsanlar şəkillərdə həmişə olduqlarından daha gözəl görünmək istəyirlər. Xüsusən də qadınlar bu məsələyə həssas yanaşırlar. Elə bunu yaxşı bilən müasir texnologiya mütəxəssisləri də bir-birinin ardınca müxtəlif effekt və filtr proqramları yaradır, görünüşünə gözəllik qatmaq istəyən zərif cinsin nümayəndələrini sevindirirlər.
Oxu24.com xəbər verir ki,amma bir şəkil var ki, ona heç cür müdaxilə etmək olmur. Söhbət şəxsiyyət vəsiqəsi üçün çəkilən fotolardan gedir. Bu şəkillərdə nəinki xarici görünüşünə xüsusi diqqət yetirən qadınlar, hətta belə məsələlərə etinasız yanaşan kişilər də bəzən özlərini görüb az qala “hürkürlər”.
Çünki adi fotolarda insan gülümsəyir, başını azca yana çevirir və daha sərbəst poza verir. Vəsiqə fotosunda üz tam qarşıdan, sərt işıqlandırma və neytral ifadə ilə çəkilir. Belə olanda da üzün təbii asimmetriyası və dəri detalları daha qabarıq görünür.
Lakin əvvəlki şəxsiyyət vəsiqələri üçün çəkilən fotolarda heç olmasa azacıq gülümsəməyə, üzə bir qədər mehriban ifadə verməyə imkan vardı. Yeni biometrik vəsiqələrin fotolarında isə dodağın belə tərpənməsinə icazə verilmir. Üz ifadəsi ciddi, baxışlar donuq, dodaqlar kip bağlı olmalıdır.
Bəs bu sərt tələbin arxasında nə dayanır? Niyə biometrik vəsiqə fotosunda gülümsəmək olmaz?
Biometrik vəsiqələrdə gülümsəməyə icazə verilməməsinin əsas səbəbi üz tanıma texnologiyasıdır. Çünki insan güləndə üz əzələləri dəyişir: yanaqlar qalxır, gözlər qıyılır, ağız ətrafında dərin cizgilər yaranır. Bu isə üzün aparat, yaxud proqram tərəfindən tanınmasını çətinləşdirə bilər.
Müasir tətbiqlərə üzün əsas nöqtələrini, yəni gözlərin, burunun, ağızın və çənənin mövqeyini daha dəqiq müəyyən etmək lazımdır. Üstəlik beynəlxalq standartlar da bunu tələb edir. Beynəlxalq Mülki Aviasiya Təşkilatı neytral üz ifadəsini əsas götürür. Yəni biometrik fotoşəkildəki məqsəd fotogenik görünüş yox, identifikasiyadır. Bizim.Media
14:03 / 19 Noyabr 2026
7
13:47 / 19 Noyabr 2026
49
13:43 / 19 Noyabr 2026
56
13:38 / 19 Noyabr 2026
66
13:34 / 19 Noyabr 2026
69
13:28 / 19 Noyabr 2026
60
13:22 / 19 Noyabr 2026
70
13:15 / 19 Noyabr 2026
69
13:09 / 19 Noyabr 2026
101
12:56 / 19 Noyabr 2026
98
12:45 / 19 Noyabr 2026
71
12:41 / 19 Noyabr 2026
102
12:27 / 19 Noyabr 2026
73
12:13 / 19 Noyabr 2026
93
12:07 / 19 Noyabr 2026
96
11:57 / 19 Noyabr 2026
102
11:45 / 19 Noyabr 2026
103
11:30 / 19 Noyabr 2026
134
11:15 / 19 Noyabr 2026
119
11:10 / 19 Noyabr 2026
106
11:05 / 19 Noyabr 2026
136
11:00 / 19 Noyabr 2026
157
11:00 / 19 Noyabr 2026
127
© 2026 Oxu24.com Müəllif hüquqları qorunur.