Netanyahunun çıxışı zamanı zalı tərk etməyən AZƏRBAYCANLI DİPLOMAT kimdir? - DOSYE 

İsrailin Baş naziri Benyamin Netanyahunun BMT Baş Assambleyasındakı çıxışı zamanı zalı tərk etməməsi ilə Türkiyə, İsrail və ərəb mediasında gündəmə gələn azərbaycanlı diplomatın kimliyi maraq doğurub.

Xatırladaq ki, Netanyahu çıxışına başlayarkən bir sıra müsəlman ölkələrin nümayəndə heyətləri zalı tərk etsə də, Azərbaycanın nümayəndəsi fərqli qərar verərək zalda qalmağı seçib.

Xüsusilə Türkiyə mediasında və sosial şəbəkələrin Türkiyə seqmentində qərəzli şəkildə hədəfə gətirilən diplomatımızla bağlı maraqlı faktları təqdim edir.  

Kimdir, o?

Söhbət Azərbaycanın BMT yanında Daimi Nümayəndəliyinin I katibi Məqsəd Hüseynovdan gedir. Onun əsas fəaliyyət istiqamətləri beynəlxalq təhlükəsizlik, tərksilah və beynəlxalq hüquqdur.

Hüseynov BMT Baş Assambleyasının Birinci Komitəsində, Tərksilah Komissiyasında və digər beynəlxalq toplantılarda Azərbaycanı təmsil edib. Nüvə silahlarının yayılmaması, tərksilah və beynəlxalq təhlükəsizliklə bağlı müzakirələrdə ölkəmizin mövqeyini ifadə edib.

2024-cü ildə Azərbaycanın COP29 sədrliyi çərçivəsində keçirilən tədbirlərdə də iştirak edib. Onun adı iqlim dəyişmələri, karbon bazarları və Paris Sazişinin icrası ilə bağlı beynəlxalq sənədlərdə Azərbaycanın nümayəndəsi kimi yer alıb.

Madrid təcrübəsi

Hüseynov bundan əvvəl Azərbaycanın İspaniyadakı səfirliyində çalışıb. O, Madriddə əvvəlcə üçüncü, daha sonra ikinci katib vəzifəsini tutub. Diplomat bu vəzifədə siyasi və iqtisadi məsələlər üzrə fəaliyyət göstərib, Azərbaycanın İspaniyadakı rəsmi nümayəndə heyətlərinin görüşlərində iştirak edib.

Diplomat bu vəzifədə siyasi və iqtisadi məsələlər üzrə fəaliyyət göstərib, Azərbaycanın İspaniyadakı rəsmi nümayəndə heyətlərinin görüşlərində iştirak edib.

Təhsili və elmi fəaliyyəti

Məqsəd Hüseynovun Almaniyanın Vürzburq Universitetinin məzunudur. Onun beynəlxalq hüquqla bağlı “Beynəlxalq adət: anlayışı və xüsusiyyətləri” adlı elmi məqaləsi dərc olunub. Məqalədə beynəlxalq adətin hüququn mənbəyi kimi rolu və dövlət praktikası araşdırılıb.\\savashmedia

Həmçinin oxuyun

Prezidentin "general-leytenant”  rütbəsi verdiyi Zaur Rüstəmov KİMDİR?

Prezident hərbçilərlə bağlı SƏRƏNCAM İMZALADI

Pensiya, maaş, “uşaqpulu”, müavinət – Gələn ilin artımları AÇIQLANDI 

“Biz əmin idik ki, arxamızda güclü komandan, güclü sərkərdə dayanıb” - Qazi baş leytenantla MÜSAHİBƏ