Milli Məclis yeni qərar qəbul edib

ƏMTQ sənədinə dair yeni öhdəlik müəyyənləşir.

Oxu24.com xəbər verir ki, bu, Milli Məclisin Təbii ehtiyatlar, energetika və ekologiya komitəsinin bu gün keçirilən iclasında müzakirəyə çıxarılan “Ətraf mühitin mühafizəsi haqqında” qanuna təklif edilən dəyişiklikdə əksini tapıb.

Azərbaycan Respublikası Prezidentinin 2016-cı il 13 iyul tarixli 2199 nömrəli Sərəncamı ilə yaradılmış Biznes mühiti və beynəlxalq reytinqlər üzrə Komissiyanın "Effektiv idarəetmə və makroiqtisadi göstəricilər" işçi qrupunun 2023-cü il üzrə Fəaliyyət Planında "Ətraf mühitə təsirin qiymətləndirilməsi haqqında" Azərbaycan Respublikasının 2018-ci il 12 iyun tarixli 1175-VQ nömrəli Qanununa ƏMTQ (Ətraf mühitə təsirin qiymətləndirilməsi) hesabatlarının ictimaiyyətə açıqlanması ilə bağlı normaların daxil edilməsi üzrə müvafiq layihənin hazırlanması ayrıca tapşırıq kimi müəyyən edilib. Layihə məhz bu tapşırığın icrası, eləcə də TRİEİ (Təbii Resursların İdarə edilməsi İndeksi) göstəricisinin yüksəldilməsi məqsədi ilə hazırlanıb.

Layihənin hazırlanması Təbii Resursların İdarə Edilməsi İndeksinin "yerli təsirlərin idarə edilməsi" alt-komponenti üzrə Azərbaycanın göstəricilərinin yaxşılaşdırılması, hasilat sektorunda ətraf mühitə və sosial təsirlərə dair məlumatların açıqlığının artırılması zərurətindən irəli gəlir. Bu məsələ, həmçinin Biznes mühiti və beynəlxalq reytinqlər üzrə Komissiyanın "Effektiv idarəetmə və makroiqtisadi göstəricilər" işçi qrupunun 2023-cü il üzrə Fəaliyyət Planında ƏMTQ hesabatlarının ictimaiyyətə açıqlanmasına dair normaların hazırlanması barədə tapşırıqda öz əksini tapıb.

Layihəyə əsasən, "Ətraf mühitin mühafizəsi haqqında" qanunun 18-ci maddəsi yeni redaksiyada verilir. Ətraf mühitin istehsalat monitorinqinin ƏMTQ tələb olunan fəaliyyət növləri ilə məşğul olan hüquqi şəxslər tərəfindən aparılması, istifadə edilən ölçmə vasitələrinin qanunvericiliyə uyğunluğunun təmin edilməsi və monitorinq nəticələri barədə illik hesabatın növbəti ilin fevral ayının 1-dən gec olmayaraq aidiyyəti dövlət orqanına təqdim edilməsi müəyyən olunur. Qanunun 70-72-ci maddələrində terminoloji vahidliyin təmin edilməsi məqsədilə "müəssisə (istehsalat)" sözləri "istehsalat" sözü ilə əvəz edilir.

"Ətraf mühitə təsirin qiymətləndirilməsi haqqında" Qanunun 12.1.4-cü maddəsinə təklif edilən dəyişikliklə sifarişçinin ƏMTQ sənədini aidiyyəti dövlət orqanının rəsmi internet informasiya ehtiyatında yerləşdirilməsi üçün həmin orqana təqdim etmək öhdəliyi təsbit edilir. Bununla ƏMTQ nəticələrinin ictimaiyyət üçün davamlı əlçatanlığı təmin olunur. ƏMTQ sənədinin dərc üçün təqdim edilməsi öhdəliyinin sifarişçiyə aid edilməsi sənəddə kommersiya sirri təşkil edə bilən məlumatların mövcudluğu nəzərə alınmaqla daha etibarlı hüquqi həll hesab edilib.

Layihə hazırlanarkən sahibkarlıq subyektlərinə düşən inzibati yükün mütənasibliyi nəzərə alınmış və istehsalat monitorinqi öhdəliyi ƏMTQ tələb olunan fəaliyyət növləri ilə məşğul olan hüquqi şəxslərlə məhdudlaşdırılıb.

Həmçinin oxuyun

 Elm və Təhsil Nazirliyi yeni təyinatla bağlı MƏLUMAT YAYDI

Eyyubovun rəis olduğu qurumda əməliyyat: Vəzifəli şəxs TUTULDU

Noyabrda pensiya gözləyənlərə ŞAD XƏBƏR

Bu kənddə 3 gündür İŞIQ YOXDUR