Azərbaycan İrana qarşı hansı tədbirləri GÖRÜB?  —  YENİ AÇIQLAMA 

“Bu qərar Tehrana açıq mesajdır” – Politoloqdan AÇIQLAMA

Xəbər verdiyimiz kimi, ölkə başçısının müvafiq qərarı ilə Azərbaycan İrandan diplomatik heyətini çıxarır. Bu barədə Azərbaycanın xarici işlər naziri Ceyhun Bayramov açıqlama verib. Nazir bildirib ki, Prezident İlham Əliyev İrandan diplomatik heyətin tam çıxarılmasına qərar verib.

Gördünüyü kimi, Azərbaycan İranla diplomatik əlaqələri kəsib. Bu durum hansı nəticələrlə sonlana bilər?

Mövzu ilə bağlı  politoloq Oqtay Qasımov Oxu24.com-a açıqlamasında bildirib ki, Azərbaycan hər zaman İranla normal qonşuluq münasibətlərində maraqlı olub və bunun üçün üzərinə düşən bütün addımları atıb. 

Politoloqun sözlərinə görə, təəssüf ki bu addımlar İran tərəfindən heç də anlayışla qarşılaşmayıb və İran tamamilə fərqli davranış sərgiləyib:

“Dünən baş verəb hadisələr isə birbaşa Azərbaycan ərazi bütövlüyünə və suverenliyinə təhdid və təcavüz aktıdır. Bununla bağlı Prezident birmənalı mövqe nümayiş etdirdi və məhz bu mövqeyə uyğun olaraq konkret addımlar atılmağa başladı. Bu addımlardan biri İranla sərhəd keçid məntəqələrində yük avtomobillərinin keçməsinin dayandırılması oldu, digər tərəfdən isə İrandan Azərbaycanın diplomatik korpusunun çıxarılması üçün göstəriş verildi. Bu, məsələnin ciddiliyini tam şəkildə ortaya qoyur. Çünki dünən İran tərəfindən baş verən hadisələrə ciddi reaksiyalar görmədik, hansısa üzrxahlıq zəngi yaxud bəyanatının şahidi olmadıq. Sadəcə olaraq İran məsələni üzərindən atmaqla müxtəlif formda işdən sıyrılıb çıxmağa çalışdı. Əlbəttə, Azərbaycan doğru olanı etdi. Diplomatik kopusumuzun İrandan çıxarılması həm də bir mesajdır ki, hazırda düşdüyü vəziyyətdə qonşulara qarşı belə aqressivv, avantürist və xəyanatə bərabər olan addımların atılması kifayət qədər ciddi nəticələrlə sonlanacaq. İran bunu yaxşı anlamalıdır”.

O.Qasımov sonda vurğulayıb ki, İran ölkəmizə qarşı belə addımlar atdığı üçün öz yanlışlarını düzəltməli və münasibətləri normal məcraya qaytarmağa çalışmalıdır:

"Azərbaycan heç bir halda İranla münasibətlərin pozulmasını istəməyib, əvəzində isə tamamilə fərqli davranış görmüşük. Ona görə də atılan addımlarımız İranın bu davranışlarına adekvatdır. Dünənki hadisə münasibətlərin pozulması üçün çox ciddi nüans idi. Bu olanların bütün məsuliyyəti İranın üzərindədir”.

Yeganə

Həmçinin oxuyun

Pensiya almadan vəfat edən şəxsin kapitalı ailəsinə verilirmi? -AÇIQLAMA

Qadınların gələcək pensiya kapitalı bu cür formalaşacaq - VACİB AÇIQLAMA

Azərbaycanda aktrisa VƏFAT ETDİ

Prezidentin Fərmanı icra OLUNUR: Mühüm dəyişiklik nədən İBARƏTDİR?