Pezeşkian İlham Əliyevə niyə zəng etmir?   —  Politoloqdan İLGİNC AÇIQLAMA 

İran prezidenti niyə susur?

“Pezeşkianı ilahləşdirirlər, amma...” - Politoloq

İranın Naxçıvan istiqamətinə dron hücumundan sonra rəsmi qurumlar dərhal baş verənlərə reaksiya verdi. Xarici İşlər Nazirliyi və Müdafiə Nazirliyimiz tərəfindən qonşu ölkəyə sərt bəyanatlar səsləndirildi, Azərbaycan Republikası Prezident İlham Əliyevin  birbaşa özünün açıqlaması ilə  mövqeyini ortaya qoydu.Hər zamanki kimi ölkə rəhbəri qəti və aydın şəkildə öz mövqeyini ifadə etdi.Üzrxahlıq və açıqlama tələb edildi.Eyni zamanda bir sıra dövlət başçıları Prezident İlham Əliyevə zəng edib. Müxtəlif ölkələr, diplomatik qurumlar İranın Azərbaycana qarşı bu xain əməlini pisləyib.

Bu durumda diqqət cəlb edən məqamlardan əsas məqamlardan biri İran Prezidenti Məsud Pezeşkianın susqunluğudur. Maraqlıdır ki, Pezeşkian tərəfindən hələ də ölkə başçısına zəng olunmayıb.

Politoloq Turan Rzayev Oxu24.com-a açıqlamasında Pezeşkianın susqunluğunun əslində başa düşülən olduğunu qeyd edib:

“Pezeşkian ölkə başçımıza zəng vurub nə deyə bilər ki? Ümumiyyətlə, hazırda İranın daxilində ciddi bir xaos var, İran xarici işlər nazirinin köməkçisinin açıqlamasında hadisənin İran tərəfindən edilmədiyi deyilir, digər tərəfdən isə SEPAH kanalları paylaşımlar edərək bu addımı atdıqlarını fəxrlə dilə gətirirlər. Bu durumda İran prezidenti hansısa açıqlama versə, onsuz da hazırda İranın daxilində qarışıq olan vəziyyət daha da gərginləşə bilər. Digər tərəfdən isə, təəssüf ki, bəzən Pezeşkianı ilahiləşdirirlər, onun Azərbaycan etnosuna mənsub olması nəyisə dəyişdirmir. Pezeşkian Qorbaçova bənzəyir, o da SSRİ-ni xilas etmək üçün nələrisə etməyə çalışdı, amma nəticədə çökdü, indi də Pezeşkian molla rejimini ayaqda saxlamağa, reformlar etməyə çalışır, amma dövlət içində dövlət modeli var. SEPAH və molla rejimi qaldığı təqdirdə Pezeşkian İran prezidenti yox, ölkəni idarə edənlərin əlinin altında bir alət olacaq. İranın mövqeyi bəllidir, hadisəni təkzib edir, məsuliyyəti üzərindən atır, lakin ortada 4 dron zərbəsi var. Bunlar ciddi faktdır və bu olanları təkzib etmək başdan ayağa siyasi həyasızlıqdır”.

Yeganə

Həmçinin oxuyun

Azərbaycan üçün mühüm TARİX:İyunun 2-də  layihə rəsmən işə düşür 

Borcalan vəfat edərsə, kredit borcu silinirmi? –AÇIQLAMA

ŞAD XƏBƏR! Bu şəxslərə təmirli evlər verilir:Prezident baxış keçirir

PREZİDENTLƏR DANIŞDILAR:Yaxın gələcəkdə hansı mühüm addımlar atıla bilər?