İlham Əliyevə nə zəng etdi, nə də... - Pezeşkiana kim imkan vermir? 

İspaniya hökuməti ABŞ-ın İrana qarşı hərbi əməliyyatda əməkdaşlıqdan imtina etdiyini açıqladıqdan sonra İran Prezidenti Məsud Pezeşkian vaxt itirmədən sosial mediada İspaniyaya təşəkkürnamə yazdı. Ancaq Məsud Pezeşkian dünən Naxçıvana atılan dronlarla bağlı nə azərbaycanlı həmkarı İlham Əliyevə zəng etdi, nə də heç olmazsa, sosial şəbəkədə məsələyə aydınlıq gətirən status paylaşdı. Böyük ehtimalla Məsud Pezeşkian dünən gün ərzində bu barədə ciddi düşünüb, sadəcə Bakıya zəng etməyə və ya status paylaşmağa risk etməyib. Çünki Məsud Pezeşkian İlham Əliyevə zəng etsəydi, ya üzr istəməliydi, ya da deməliydi ki, məsələ araşdırılır. Görünür, Pezeşkian düşünüb ki, bu iki variantdan birini seçərsə, ölkəni idarə edən və antiazərbaycan mövqeyindən çıxış edən SEPAH generalları ilə üz-üzə qalacaq. Ancaq Pezeşkian anlamamış deyil ki, susqunluğu onun İlham Əliyevlə arasındakı tərəfdaşlıq münasibətlərinin üstündən xətt çəkir. Halbuki iki ölkə prezidenti arasında normal münasibətləri formalaşmışdı.

Oxu24.com  xəbər verir ki, bu sözləri politoloq Elxan Şahinoğlu qeyd edib.

“İran eyni ilə Rusiyanın yolu ilə gedir. Rusiya Azərbaycanın mülki təyyarəsini raketlə vurduqdan sonra əvvəlcə olayı inkar etdi, sonra üzrxahlıq gəlsə də, kompensasiya ödənmədi, cinayətkarlar cəzalandırılmadı və buna görə iki ölkə arasındakı münasibətlərdə suallar ortadan qaldırılmayıb. İran da hələ ki, Rusiya kimi inkar edir, “Naxçıvana dron atmamışıq” prinsipindən çıxış edir, ancaq bu yanaşma iki ölkə arasındakı onsuz da suallarla dolu olan münasibətləri növbəti gərginlik mərhələsinə keçirəcək. Buna görə Məsud Pezeşkianın İlham Əliyevə zənginə ehtiyac var”, - o bildirib.

Qeyd edək ki, İran 5 martda Naxçıvan aeroportuna və aeroport yaxınlığındakı orta məktəbə hücum edib. Nəticədə terminal və uçuş-enmə zolağı zədələnib, məktəb binasına ziyan dəyib, 4 nəfər yaralanıb.

Həmçinin oxuyun

Prezident 3 qurumu ləğv etdi, bir qurum yaratdı 

Rüfət Əhmədzadə vəfat etdi - Təcili 

SON DƏQİQƏ! Tarif Şurasından yeni QƏRAR:iyulun 23-dən qüvvəyə minir

Prezident fərman imzaladı:Nazirlər Kabineti iki ay müddətində...