Bayramova gecəyarısı gələn bu zəng İrana tərs şillə oldu 

Martın 5-də İranın 4 ədəd PUA ilə Naxçıvan beynəlxalq hava Limanı və orta məktəbə hücumu, mülki infrastrukturu hədəf alması və 4 nəfərin xəsarət alması bütün dünyada geniş reaksiyalara səbəb oldu.

Prezident dərhal orduya hazırlıq əmri verdi, bu hücumu sərt şəkildə qınadı, bunun ardınca isə Azərbaycana – dövlət başçısına və xarici işlər nazirinə dəstək zəngləri ard-arda düzüldü.

Böyük, miqyaslı informasiya və siyasi dəstək içində Ceyhun Bayramova bir zəng son dərəcə gözlənilməz oldu: ötən gün gecəyarısına Ermənistan xarici işlər naziri Ararat Mirzoyan azərbaycanlı həmkarına zəng edərək, Naxçıvana hücum fonunda regional eskalasiyanı müzakirə etdi.

Bir neçə gün əvvəl – 28 fevraldan, İsrail və ABŞ-ın İrana zərbələri ərəfəsində İran ekspertləri və bu ölkənin Ermənistandakı səfiri bir daha dəhlizlə bağlı “sərt mövqe” ortaya qoymuşdu, bir daha Ermənistan sərhədlərinin İranın qırmızı xətləri olduğunu xatırlatmışdılar, bir daha İranın bu mövqeyinin dəyişmədiyi barədə xəbərdarlıq etmişdilər.

Bu təkrardan/xatırlatmadan bir neçə gün sonra isə həmin Ermənistanın xarici işlər naziri Azərbaycana zəng edib, İranın pis əməlini qınayır və Bakı ilə həmrəy olur!

30 ildən çox məhz İranın sayəsində Azərbaycan torpaqlarını işğalda saxlayan bir ölkənin xarici işlər nazirinin İranın dron zərbəsinə görə Bakıya zəngi Tehranın 40 illik siyasətinin təkcə yanlış olması demək deyildi, həm də məhvi idi, darmadağın olmasaydı.

Tehranın onillərdir qurduğu arxitektura:

- hərbi struktur – darmadağın edilir, müdafiə sistemi sıradan çıxarılır, İran səmasında İsrail qırıcıları süzür;

Həmçinin oxuyun

“Ata yalnız bir halda övladından imtina edə bilər” – Vəkil Esmira Rzayeva AÇIQLADI

SON DƏQİQƏ! Prezident İlham Əliyev İranla bağlı qərar VERDİ

Cərimələnən sürücülərə şad xəbər - Ödədikləri vəsait geri qaytarılacaq 

10 gün müddətinə məlumat verməsəniz,100 manat CƏRİMƏ OLUNACAQSINIZ

- raket sistemi – 28 fevralda İran 350 raket atmışdısa, 5 martda 40-a qədər raket ata bilib, deməli, buraxılış sistemləri məhv olub;

- nüvə təsisatı – darmadağın edilir;

- hüquq-mühafizə sistemi – tək-tək, məhəllə-məhəllə vurulur;

- şiə hilali – proksilər məhv edildi, iş o yerə çatıb ki, Livan İran vətəndaşlarına viza tətbiq etdi, bu ölkədəki bütün SEPAH üzvlərinin isə qeyd-şərtsiz saxlanacağı elan edildi, hətta SEPAH üzvü turist kimi ora getsə də;

- iqtisadiyyat – tam çöküb, inflaysiya idarəolunmaz səviyyədədir;

- siyasət – qonşularla onillərdir qurulan əlaqələr tam çöküb, İranın ordusu ilə müdafiə etməyə hazır olduğu ölkə - məsələn, Ermənistan – Tehranın siyasətinin necə iflasa uğradığını ötən gün nümayiş etdirdi...

İranın 47 ildir qurduğu bütün sistem çökdü.