Rusiya Xarici Kəşfiyyat Xidmətinin keçmiş əməkdaşı olan səfirimiz kimdir? — DOSYE

SİYASƏT

1049

27.11.2025, 10:34

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Azərbaycan Dövlətinin xarici siyasətində əsas rolu XİN əməkdaşları və diplomatlarımız oynayır.

Müasir dövrdə bu sahədə böyük işlər görülür.XİN-də son illər cavanlaşma siyasəti də buna misal göstərilə bilər.Müasir və xarici təhsilli diplomatlarımız ölkəmizi layiqincə təmsil və tərənnüm edir.Bunun bariz nümunəsidir ki,Azərbaycan dünyada haqq səsini tanıtmağı bacaran ölkələr siyahısında yer alıb.Gənc diplomatlarla yanaşı kifayət qədər təcrübəyə malik səfirlərimiz də az deyil.

Onlardan biri də Özbəkistandakı səfirimiz Hüseyn Quliyevdir.

Oxu24.com xatırladır ki,Hüseyn Quliyev 23 iyun 1946-cı ildə, Azərbaycan Respublikasının Naxçıvan şəhərində anadan olub.

1953–1965-ci illərdə Naxçıvan şəhəri, 3 saylı orta məktəbində oxuyub.1965–1970-ci illərdə M. Azizbəyov adına Azərbaycan Dövlət Neft və Kimya İnstitutunun mühəndis-texnoloq ixtisası üzrə təhsil alıb.

1970–1991-ci illərdə Moskva şəhərində SSRİ Dövlət Təhlükəsizlik Komitəsinin əməkdaşı olub.

1978–1982-ci illərdə SSRİ-nin Kiprdəki səfirliyində birinci katib-müşaviri işləyib.

1984–1990-cı illərdə SSRİ-nin Türkiyədəki səfirliyində birinci katib-müşaviri işləyib.

1991–1995-ci illərdə Moskva şəhərində Xarici Kəşfiyyat Xidmətinin əməkdaşı olub.

1995–1997-ci illərdə "İDİL" Türk inşaat şirkətinin Rusiya nümayəndəliyi,1997–2007-ci illərdə Rusiyanın "Trans-nafta" şirkətinin vitse-prezident vəzifəsində çalışıb.

2007–2009-cu illərdə Azərbaycan Respublikası Xarici İşlər Nazirliyində şöbə müdiri olub.

2009–2012-ci illərdə Azərbaycan Respublikası Xarici İşlər Nazirliyi, İdarə rəisi,2012-ci ildən Azərbaycan Respublikasının Özbəkistan Respublikasındakı fövqəladə və səlahiyyətli səfiri təyin olunub.

2012 -ci ildə Azərbaycan Respublikası Prezidenti tərəfindən fövqəladə və səlahiyyətli səfir diplomatik rütbəsi verilib.

Evlidir, iki uşağı və üç nəvəsi var.

Hazırladı: Miri Məcidli