"Azərbaycanla ilk dövlətlərarası sənədimiz var"- Paşinyan

SİYASƏT

816

31.01.2025, 16:01

"Sərhəd demarkasiyası komissiyaları arasında nə vaxt görüşmək barədə razılıq əldə olunarsa, o vaxt tarix açıqlanacaq, hazırda hər şey komissiyaların nizamnaməsində qeyd olunan qaydada baş tutacaq".

Oxu24.com xəbər verir ki, bu barədə Ermənistanın baş naziri Nikol Paşinyan mətbuat konfransı zamanı bildirib.

"Hər şey komissiyaların reqlamentində göstərildiyi kimi olacaq. Həmin sənəd dərc olunub. Biz hazırıq və səmimiyyətlə deməliyəm ki, demarkasiya prosesi, əslində, 2024-cü ildə çox hiss olundu. Bizim Azərbaycanla ilk dövlətlərarası sənədimiz var. Artıq razılıq var ki, komissiyalar və tərəflər qarşıdakı dövrdə Ermənistan-Azərbaycan sərhədinin Gürcüstan sərhədindən İran sərhəddinə qədər demarkasiyası işinə diqqət yetirəcəklər", - deyə Paşinyan qeyd edib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

O, həmçinin bildirib ki, sülh müqaviləsi ilə bağlı heç bir yenilik yoxdur: "Çünki mən artıq demişəm ki, layihədəki 17 maddədən 15-i razılaşdırılıb, razılaşdırılmamış iki bənd var və Ermənistan hər ikisinin həlli yollarını təklif edib. Onlardan biri üçüncü ölkə qüvvələrinin nümayəndələrinin sərhəddə yerləşdirilməməsi ilə bağlıdır. Biz bunu sərhədə, demarkasiya olunmuş hissələrə tətbiq etməyi təklif edirik.

Həmçinin beynəlxalq forumlardan mübahisələrin hüquqi baxımdan geri götürülməsi məsələsi də var ki, bu da müəyyən şərtlər daxilində bizim üçün məqbul ola bilər".