Kreml rəsmisi Dmitri Peskov brifinq zamanı Moskva və Kiyev arasında Qətərdə  aparılan danışıqlara dair məlumatları şərh etməkdən imtina edib.

Oxu24.com  xəbər verir ki, "Rusiya və Ukraynanın Qətərdə danışıqlar apardığını" deyən "Bloomberg" nəşrinin jurnalistinə Peskov “Mən bu sualı şərhsiz buraxacağam” deyə cavab verib.

Peskov jurnalistin Rusiyadakı mümkün şərtlərlə bağlı sualını da cavabsız qoyub.

Bundan əvvəl "Bloomberg" yazıb ki, Rusiya və Ukrayna Qətərdə nüvə obyektlərinin hücumlardan qorunması ilə bağlı danışıqlar aparır.

Nəşrin məlumatına görə, Moskvanın şərtləri, o cümlədən  Krım və işğal olunmuş ərazilər üzərində nəzarəti saxlamaq müzakirə edilir. Mənbələr qeyd edir ki, danışıqlar hazırda məhbusların mübadiləsi və uşaqların qaytarılmasının müzakirəsi ilə məhdudlaşır.