Qardaş bacısını görün nə üstə güllələdi - VİDEO

Sumqayıtda qardaş odlu silahla bacısını güllələyib. 

APA TV-nin məlumatına görə, hadisə şəhərin Köhnə Corat qəsəbəsində baş verib. Belə ki, Mirzə Babazadə evinin həyətində münaqişə zəminində tüfəngdən açdığı atəşlə bacısı Ramilə Məmmədovaya xəsarət yetirib.

Polis əməkdaşlarının keçirdikləri əməliyyat-axtarış tədbirləri nəticəsində Mirzə Babazadə şübhəli şəxs qismində tutularaq istintaqa təhvil verilib. Ondan cinayəti törədərkən istifadə etdiyi qeydiyyatda olmayan, nömrəsi silinmiş “TOZ-34EP” markalı tüfəng götürülüb.

Ağır xəsarətlər alan Ramilə Məmmədova xəstəxanaya yerləşdirilib. Vəziyyətinin ağır olduğu bildirilir.

Faktla bağlı araşdırma aparılır.