SON DƏQİQƏ! Bakının məşhur otelində əməliyyat: Tutulanlar arasında tanınmışlar da var

Polis Bakıda fəaliyyət göstərən "Fairmont Baku" otelində karantin rejimini pozan şəxslərə qarşı əməliyyat keçirir.

Oxu24.com -un  məlumatına görə, hazırda polis qaydaları pozan şəxsləri bölməyə aparır.

Qeyd edək ki,  bu gün sosial şəbəkələrdə Bakıda fəaliyyət göstərən "Fairmont Baku" otelindən  görüntülər yayılıb. 

Görüntülərdə karantin qaydaların pozulması müşahidə edilib.

Yayılan görüntülərdə xeyli sayda insanın ümumi hovuzdan istifadə etdiyi də görünür. İnsanlar Həmçinin otelin rəsmi instagram səhifəsindən də vətəndaşları otelə dəvət edərək istirahət etməyə çağırış ediblər.

Qeyd edək ki, oteldə istirahət edənlər arasında məşhur simalarda var. Bununla bağlı onlar özləri sosial media hesabında fotolar paylaşıblar.

Tanınmış aktrisa Mələk Heydərova və teleaparıcı Elçin Əlibəylinin həyat yoldaşı, jurnalist Dilrubə Vaqifzadə də sözügedən oteldə dincələnlər arasındadır.