Məşhur iş adamı Ramiz Mehdiyevin kürəkəni ilə şərikdir? - İDDİAYA cavab

REDAKTORUN SEÇİMİ

9399

18.10.2025, 09:55

Xəbərlərimizi Google-da izləyin

Yeniliklərdən dərhal xəbərdar olun

Abunə ol

"...Biz onlarla düşmənik".

Son günlər medianın əsas müzakirə mövzusu Prezident Administrasiyasının sabiq rəhbəri, AMEA-nın sabiq prezidenti, akademik Ramiz Mehdiyev barəsində ittihamlar və onun ev dustaqlığına məhkum edilməsi ictimai rezonans doğurub.

Müzakirə edilən mövzulardan biri də Ramiz Mehdiyevin vaxtı ilə "krişalıq" etdiyi şəxslərlə bağlıdır. Onun malı-mülkü,villaları,ailə biznesi də günlərdir gündəm yaradıb.

Oxu24.com-a məlumat verən mənbə bildirib ki,Ramiz Mehdiyevin sıx biznes əlaqələri olduğu şəxslərdən biri də keçmiş deputat,hazırda sahibkarlıq fəaliyyəti ilə məşğul olan Əsabil Qasımovdur.

Mənbənin bildirdiyinə görə, Əsabil Qasımov uzun müddət Ramiz Mehdiyevin kürəkəni ,sabiq millət vəkili,sahibkar İlham Əliyevlə iş birliyində olub.Ramiz Mehdiyevin kürəkəni İlham Əliyevin bu iş birliyi Əsabil Qasımova məxsus "Karat Holdinq" də qeyri-rəsmi şərik olmaqla başlayıb.

"Karat Holdinq" MMC 14 mart 2004-cü ildə qeydiyyata alınıb. Nizamnamə kapitalı 430 manatdır. Şirkətin hüquqi ünvanı Yasamal rayonu, Murtuza Muxtarov küçəsi, ev 201-də yerləşir. Holdinqin qanuni təmsilçisi Umudov İqdam Əliş oğludur.

Ondan əvvəl şirkəti Əsabil Qasımov təmsil edib. Ümumiyyətlə, "Karat Holdinq"in sahibi kimi Əsabil Qasımovun adı çəkilir.

Əsabil Qasımov Milli Məclisin IV çağırış deputatı olub. O, parlamentdə 79 saylı İmişli seçki dairəsini təmsil edib.

İqdam Umudov Əsabil Qasımovun qaynıdır.

Keçmiş deputatın biznesi "Karat Holdinq"lə məhdudlaşmır. Mediada gedən məlumatlara görə, Əsabil Qasımovun "Karat Holdinq" MMC-dən başqa aşağıdakı şirkətləri var:

- "Karat" MTK

- "İdeal” MMC

- "Azİnvest” Tikinti Şirkəti

- "Everest-M”

- "Şin Servis”

- "Karmen” MMC (Un dəyirmanı)

- Hökməli Makaron Fabriki

- Hökməli Kisə Fabriki

- "ASTE”L MMC (Quşçuluq fabrikləri)

- Gəncədə "Fatoğlu” un dəyirmanı

- Bakıda "Marina Plaza” oteli

- Bakıda "Premium” market

Oxu24.com-un əldə etdiyi məlumata görə,Ramiz Mehdiyev "vurulduqdan" sonra "Karat Holdinq" üzərində nəzarəti zəifləyib.

Oxu24.com məlumatı dəqiqləşdirmək üçün sabiq millət vəkili,hazırda bizneslə məşğul olan Əsabil Qasımovun özü ilə əlaqə saxlayıb.

Əsabil Qasımov Ramiz Mehdiyevin və kürəkəni İlham Əliyevin adını eşidər,eşitməz onlarla düşmən olduğunu bildirib.

"Ölkə başçısından tutmuş,nazirlərə qədər hər kəsə məlumdur ki,biz onlarla düşmənik.2019-cu ildə oğlum rəhmətə getdi.Bir adam ki,oğlumun yasına gəlmədi,başsağlığı vermədi,belə dostluq,şəriklik ola bilər?Mənim heç oğlumla şərikliyim yoxdur.Yeddi qardaşım var.Onların mənimlə heç bir şərikliyi yoxdur.Kefiniz nə istəyir yazın...Yazın ki,bütün şirkətim onlara məxsusdur...Ən savadsız insan bunu başa düşərdi ki,biz onlarla düşmənik...Mən onunla sadəcə olaraq deputat kimi Milli Məclisdə oturmuşuq...O illərdə münasibətimiz olub",-deyə Əsabil Qasımov saytımıza bildirib.

Miri Məcidli

Həmçinin oxuyun