Böyük Britaniya sərhəddə problemlərlə üzləşir

Bloomberg xəbər verir ki, Britaniya daxili işlər nazirinin müavini Seema Malhotra bildirib ki, Britaniya vətəndaşları biometrik məlumatların verilməsi ilə bağlı yeni qaydalar qüvvəyə mindikdən sonra Aİ ölkələri ilə sərhəddə uzun növbələrə hazır olmalıdırlar.

Oktyabr ayından etibarən Avropa İttifaqı üzv olmayan ölkələrdən gələn ziyarətçilərin barmaq izlərini və fotoşəkillərini təqdim etməli olduğu bir sistem tətbiq edir.

 

Bunun hava limanlarında, dəniz limanlarında və dəmiryol vağzallarında növbələrə səbəb olacağı gözlənilir.

 

Əvvəlki Britaniya hökuməti "təsiri yumşaltmaq üçün kifayət qədər tədbir görmədi" və yeni Nazirlər Kabineti "həddindən artıq növbə riskini mümkün qədər minimuma endirmək üçün sürətlə işləyir", deyə Malhotra bildirib.

 

Yeni sistem Aİ üzvü olmayan ölkələrin vətəndaşlarının qeydiyyatını avtomatlaşdırmaq üçün nəzərdə tutulub.

 

Bloomberg qeyd edir ki, son nəticədə yenilik qeydiyyat gecikmələrini azaltmalıdır, çünki sərhədçilər pasportları əl ilə yoxlamalı və möhürləməyə məcbur olmayacaqlar.

 

Nigar