Xocalının Daşbulaq kəndində 250-yə yaxın sakin işlə təmin olunub
19 Noyabr 2026, 12:13
Qaynar xətt:
(+99450) 247 90 86
QARABAĞ
3119
21.12.2024, 14:49
Xankəndidə 50 ildən sonra badminton üzrə ölkə çempionatı keçirilib.
OXU24.COM xəbər verir ki, Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin, Gənclər və İdman nazirliyi və Azərbaycan Badminton Federasiyasının birgə təşkilatçılığı ilə keçirilən çempionatın final yarışları Nizami Gəncəvi adına 4 nömrəli orta məktəbdə baş tutub.
Təhsil ocağının idman zalında təşkil olunan yarışda Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyin əməkdaşları, Gənclər və İdman naziri Fərid Qayıbov, həmçinin media nümayəndələri iştirak edib.
Nazirlə Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin rəsmisi badminton oynamaqla yarışı açıq elan ediblər. F.Qayıbov mətbuata açıqlamasında bildirib ki, bu gün Azərbaycan idmanında tarixi hadisə yaşanır. İşğaldan azad edilmiş torpaqlarımıza idman qayıdır. Mütəmadi olaraq Qarabağın işğaldan azad edilən şəhər və rayonlarında idman yarışları keçirilir. Xankəndi şəhəri də artıq bir neçə idman yarışına ev sahibliyi edib. Nazir Xankəndinin həm də idman mərkəzinə çevriləcəyindən və bu günədək bu şəhərdə keçirilmiş idman yarışlarından da söz açıb.
1974-cü ildə Xankəndidə keçirilmiş turnirdə 3 kateqoriya üzrə mükafatçılar sırasında yer almış Azərbaycan badminton ailəsinin üzvü Mahmud Məmmədov da fəxri qonaq qismində final qarşılaşmalarını izləyib.
Qalib və mükafatçıları Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyin əməkdaşları, Gənclər və İdman naziri Fərid Qayıbov və Azərbaycan Badminton Federasiyasının prezidenti Taleh Ziyadov təltif edib.
Qeyd edək ki, 1974-cü ilin oktyabrında Xankəndidə keçirilmiş Azərbaycan çempionatı, klublar arasında da təşkil olunub. Yarışda 24 kişi və 20 qadın badmintonçu iştirak edib. Klubların mübarizəsində isə "Neftçi", "Məhsul", "Zenit", "Lokomotiv" və "Spartak" komandaları birincilik uğrunda yarışıb.










11:28 / 21 Noyabr 2026
3
11:27 / 21 Noyabr 2026
22
11:24 / 21 Noyabr 2026
28
11:16 / 21 Noyabr 2026
53
11:07 / 21 Noyabr 2026
74
11:00 / 21 Noyabr 2026
471
10:58 / 21 Noyabr 2026
80
10:33 / 21 Noyabr 2026
98
10:28 / 21 Noyabr 2026
103
10:27 / 21 Noyabr 2026
119
10:00 / 21 Noyabr 2026
128
09:42 / 21 Noyabr 2026
137
09:38 / 21 Noyabr 2026
105
09:35 / 21 Noyabr 2026
90
09:33 / 21 Noyabr 2026
107
09:03 / 21 Noyabr 2026
103
00:12 / 21 Noyabr 2026
189
23:31 / 20 Noyabr 2026
203
23:23 / 20 Noyabr 2026
202
23:06 / 20 Noyabr 2026
196
22:45 / 20 Noyabr 2026
189
22:35 / 20 Noyabr 2026
203
22:22 / 20 Noyabr 2026
214
© 2026 Oxu24.com Müəllif hüquqları qorunur.