\"Xarı Bülbül Şuşa\" komandasının pulunu kim kəsir? — DETALLAR 

Azərbaycanın Şuşa şəhərinin şərəfinə yaradılmış "Xarı Bülbül Şuşa" və "Xarı Bülbül Laçın" voleybol  komandalarının sponsor tapılmaması səbəbindən dağılma təhlükəsi qarşısında qaldığı barədə məlumat vermişdik.

Oxu24.com xəbər  verir  ki, ölkədə voleybola marağın artdığı  bir  vaxtda  "Xarı Bülbül Şuşa" komandasına  ögey münasibət müəyyən sualllara səbəb olub.

Məlumat üçün  qeyd  edək ki, Voleybol Federasiyası  bu ilin mart ayından  etibarən Dövlət Gömrük Komitəsinin nəzarətinə verilib. Dövlət  Gömrük  Komitəsinin sədri  Şahin Bağırov  Azərbaycan Voleybol Federasiyasının yeni prezidenti seçilib.Sözügedən qurumun tabeliyinə keçdikdən sonra Azərbaycan voleybolunun problemlərinin bitəcəyi düşünüldüyü vaxtda  xoşa gəlməz  hal  yaşanır.

Saytın mənbələrdən əldə etdiyi məlumata görə,Azərbaycanda fəaliyyət göstərən  digər  voleybol klublarına  Dövlət  Gömrük  Komitəsi tərəfindən maliyyə ayrılsa da,"Xarı Bülbül Şuşa" komandası sponsorsuz qalıb. Belə bir yanaşmanın  olması  müəyyən şübhələrə səbəb olub.

 

Mövzu ilə bağlı  CBC Sportun  "ƏLAVƏ VAXT" verilişində   qonaq  olan  "Xarı Bülbül"ün rəhbəri İlqar İmamquliyev, "Xarı Bülbül Şuşa"nın baş məşqçisi Ziya Rəcəbov problemin detallarını  açıqlayıb.

 

Məlum olub ki, cəmiyyətdə  xeyriyyəçi kimi tanınan  Hacı  Nuran  2023-cü ilin iyul ayından etibarən klubun prezidenti təyin edilib.Tərəflər arasında  baş vermiş anlaşmaya əsasən Hacı Nuran  komandaya sponsorlar gətirəcəyi vədini  verib. Lakin bir neçə ay keçdikdən sonra vədlərin boşa çıxdığını görən klub rəhbərləri ilə Hacı Nuran arasında narazılıqlar yaşanıb.Bundan sonra  Hacı Nuran klubun prezidenti vəzifəsindən uzaqlaşdırılıb.

 

 

Qeyd edək ki, "Xarı Bülbül Şuşa" komandası hazırda sponsorsuz qaldığı üçün oyunçular və heyyət  bir neçə aydır ki,maaşsız qalıb. Bu isə klubun dağılmasına gətirib çıxaracaq səbəb olacaq.

 

Oxu24.com mövzu ilə bağlı Hacı Nuranın və Dövlət Gömrük Komitəsinin də mövqeyini təqdim edəcək.

 

 

Müəllif: Miri Məcidli