Azərbaycan idmanında şok: Şuşanın adını daşıyan "Xarı Bülbül" komandasına pul ayıran tapılmadı

Azərbaycanda voleybolun  inkişaf etdirilməsi yönümdə atılan bir sıra adddımların fonunda  xoşagəlməz hal yaranıb.

Oxu24.com xəbər  verir  ki,kişilərdən ibarət “Xarı Bülbül Şuşa” və “Xarı Bülbül Laçın” voleybol komandaları ciddi maliyyə böhranı ilə üzləşib.

Oxu24.com-un komandadakı mənbələrdən əldə  etdiyi  məlumata  görə, sözügedən  klubun  prezidenti təyin  edilən    Hacı Nuran Hüseynov isə sponsor tapmaq yönündə üzərinə düşən öhdəlikləri yerinə yetirə bilmədiyindən, hər iki komanda dağılmaq təhlükəsi ilə üzləşib.

Danışıqlar aparılan şirkətlər komandaya sponsorluq etmək istəməyib. Bu səbəbdən  də  Hacı Nuran “Xarı Bülbül Şuşa”nın prezidenti postundan kənarlaşdırılıb.

 

 

Komandada olan mənbənin  verdiyi  məlumata  görə  maliyyə olmadığından   klubun  oyunçuları  və  digər  heyəti   üç aydır ki, maaş almır.

 

“Xarı Bülbül Şuşa” bu səbəbdən avrokubokda – Çelenc Kubokunun 1/16 final mərhələsində Yunanıstanın “Panatinaikos” komandasına qarşı Bakıda oyuna çıxmaq istəməyib.

 

Yalnız Azərbaycan Voleybol Federasiyası bir ayın maaşını ödəməyi boynuna götürdükdən sonra, məşqlər bərpa olunub və komanda oyuna çıxıb.

 

Noyabrın 29-da  Yunanıstanda   baş tutacaq oyun üçün təyyarə biletləri  Azərbaycan Voleybol Federasiyasının hesabına  alınıb.

Belə bir  ciddi və əhəmiyyətili  məqamda  Azərbaycanın ən həssas nöqtəsi  olan  Şuşa  şəhərinin   şərəfinə  yaradılmış  və  "Xarı Bülbül  Şuşa" adlandırılan klubun  dağılması  Azərbaycan  idmanı  və  Azərbaycan  cəmiyyəti üçün  böyük  itki  deməkdir. Məlumat  üçün   qeyd  edək  ki, klubun tərkibində bir sıra xarici ölkələrdən dəvət edilmiş  oyunçular var. 

 

Qeyd edək ki, “Xarı Bülbül Şuşa” Çelenc Kubokunun 1/32 finalında Slovakiyanın “Spartak” klubunu Bakıda keçirdiyi hər iki oyunda məğlub etməyi bacarmışdı.

 

Bəs Azərbaycanda idmana  güclü  Dövlət dəstəyinin olduğu  bir  zamanda  Şuşanın  şərəfinə yaradılan  klubun  dağılması  imlərin xyrinə işləyə bilər? Təbii ki, bu  Azərbaycanı istəməyən,Azərbaycanın regionda  artan  gücünü  və  möhtəşəm Qarabağ  zəfərindən  sonra  ölkəmizin  uğurlarını həzm  də  bilməyən  qüvvvələrin  bir  növ  sevincinə  səbəb ola  bilər. "Xarı Bülbül  Şuşa " komandası volybol  klubundan əlavə həmçinin  bizim  üçün  beynəlxalq  aləmdə  bir  növ  siyasi  açar  rolunu  da oynayır. Çünki işğalçı  Ermənistan  30 il ərzində  Azərbaycanın  qədim  şəhəri  olan  Şuşanın  tarixi  adını  saxtalaşdıraraq  beynəlxaq aləmdə  "Şuşi" kimi  təqdim  edirdi. Bütün  bu  hadisələrin  fonunda  bizim  üçün  böyük   təbliğat  maşınına  çevrilən   "Xarı Bülbül  Şuşa" komandasının  dağılması  həm də  bizim düşmənlərin  svinməsi  deməkdir. Biz ümid  edirik  ki,  qeyd  olunan  xoşagəlməz  hadisə  ilə  bağlı  tezliklə müsbət nəticə əldə olunacaq.

Oxu24.com kollektivi  Vətəni,Dövləti,İdmanı və ən ənsası  Şuşanı sevən,onun alınması günü  Qurban kəsən  bir kolllektiv  kimi  ölkə rəhbərliyindən  və  hörmətli Mehriban  xanım  Əliyevadan məsələ ilə  bağlı  köməkli göstərilməsini  xahiş edir. Çünki Azərbaycan  idmanı  hər  zaman  Azərbaycan  Dövlətinin dəstəyini  görüb. 

 

Məlumat üçün   qeyd  edək ki,peşəkar voleybolçulardan ibarət klubun yaradılmasında əsas məqsəd Şuşanın əzəli Azərbaycan torpağı olduğunu bir daha dünyaya nümayiş etdirməkdir.

 

Komandanın hədəfi Vətən müharibəsinin simvoluna çevrilmiş xarıbülbülü beynəlxalq arenada tanıtmaq, daşıdığı formanı layiqincə təmsil etmək, bu adın dünya idmanında geniş yayılmasına töhfə verməkdir. 

 

Qeyd edək  ki, klubun təsisçisi beynəlxalq idman agenti, “IL'AZERO”nun sahibi, eyni zamanda komandanın kapitanı İlqar Tofiq oğlu İmamquliyev, baş məşqçisi isə Ziya Rəcəbovdur.

 

Müəllif: Miri Məcidli