Dünyada ilk dəfə səhifələri ipəkdən olan "Qurani-Kərim"i hazırlayan azərbaycanlı xanım kimdir?

  Oxu24.com çoxlarının tanımadığı,amma əslində çox böyük işlər görən və tarixə düşən Azərbaycanlılar haqqında layihəsinə start verir. Layihəmizin ilk qəhrəmanı dünyada ilk dəfə səhifələri ipəkdən olan "Qurani-Kərim"i hazırlayan azərbaycanlı xanım, xəttatlıq ustası Tünzalə Məmmədzadədir.

T.Məmmədzadə “Qurani Kərim” ipək üzərində yazmamışdan əvvəl də ipək üzərində rəsm əsərləri işləyib: “İpək üzərində müxtəlif mövzulu əsərlərlə bərabər dini mövzulu əsərlər də işləmişəm. Quranı ipək üzərində yazmaq qərarı təsadüfi oldu, əvvəlcə çox tərəddüt etsəm də anamın dəstəyi ilə 3 il ərzində bu arzumu reallaşdırdım. Müəllif hüquqlarım qorunur.”. Rəssamın sözlərinə görə, Ərəb dilini bilmir: “Ərəb hərflərini bilirəm, dini təhsilim də yoxdur. Mən bunu sırf sənət baxımından işləmişəm. “Qurani Kərim”in İslam ölkələrində, xüsusi ilə türkdilli ölkələrdə təqdimatının keçirilməsini istəyərəm”. T.Məmmədzadə qeyd edib ki, Azərbaycan Rəssamlıq Akademiyasında bakalavr təhsili alıb: “Qərb Universitetində modelyer rəsssamlıq üzrə magistratura, yenidən Rəssamlıq Akademiyasında modelyer rəssamlıq üsrə doktorantura təhsili almışam. Hazırda Marmara Universitetində sənət tarixi üzrə doktoranturada oxuyuram". {banner_reklam}