Yaponlar niyə bu qədər təmizkar, səliqəli və mədənidirlər? — Bunun arxasındakı 3 SƏBƏB  

Dünya çempionatlarında hər kəsin heyranlıqla izlədiyi eyni mənzərə təkrarlanır: Yaponiya milli komandasının üzvləri oyundan sonra paltardəyişmə otağını tərtəmiz edib gedir, yapon azarkeşlər isə stadiondakı zibilləri tək-tək torbalara yığırlar. Üstəlik, Yaponiyanın küçələrində demək olar ki, heç yerdə zibil qutusu yoxdur, amma şəhərlər inanılmaz dərəcədə təmizdir.

Bəs bizə təəccüblü gələn bu təmizliyin, səliqənin və yüksək mədəniyyətin əsl sirri nədir? 

Oxu24.com-un məlumatına görə, bu məsələnin kökü çox keçmişə — yaponların yerli dini olan Şintoizmə gedib çıxır. Şintoizm inancına görə, çirkli olmaq təkcə fiziki deyil, həm də mənəvi bir yük, günah hesab olunur. Buna görə də yapon mədəniyyətində çox sayda təmizlik ritualları var. Məsələn, onlar məbədə girməzdən əvvəl mütləq əllərini, ayaqlarını və ağızlarını yumalıdırlar. Əsrlərdir davam edən bu inanclar yaponların qanına işləyib.

Yaponiya adalardan ibarət bir ölkədir və burada havadakı rütubətin miqdarı olduqca yüksəkdir. Yüksək rütubət isə bakteriyaların və mikrobların çoxalması üçün ən münbit şərait deməkdir. Yaponlar elə bir coğrafiyada yaşayırlar ki, sağlam qalmaq və xəstəliklərdən qorunmaq üçün təmiz olmağa birmənalı olaraq məburdurlar. Təmizlik onlar üçün sadəcə istək deyil, həm də bir sağ qalma mübarizəsidir.

Ən mühüm səbəblərdən biri də təhsil sistemidir. Yaponiya məktəblərində təmizlik işçiləri çalışmır! Siniflərin, dəhlizlərin və hətta tualetlərin təmizlənməsini ən balaca şagirddən tutmuş ən böyüyünə qədər uşaqlar özləri icra edirlər. Bu qayda uşaqlara kiçik yaşlarından məsuliyyət hissini aşılayır və onları təmizkar böyüdür. Başqasının əməyinə hörmət etməyi öyrənən yapon uşaq böyüdükdə də küçəyə zibil atmır.

Əsrlərdir davam edən coğrafi, dini və təhsil amilləri yaponların canına elə hopub ki, təmizlik onlar üçün artıq adi bir vərdiş deyil, bütöv bir həyat tərzidir.

Jalə

Həmçinin oxuyun

Yüksək vəzifəli şəxs işdən çıxarıldı

Prezidentin mətbuat xidməti açıqlama yaydı

Prezidentin bu sərəncamı icra olunur:Vəzifəli şəxslər toplaşdı

DTX tiktokeri saxladı: Bu maddə ilə həbs edildi