Ayda qoyulan ayaq izləri niyə hələ də silinmir? — MARAQLI FAKTLAR  

"Apollo" proqramı çərçivəsində Ay səthinə missiya yerinə yetirən astronavtların təcrübələri Yer peykinin filmlərdə təsvir olunduğundan daha mürəkkəb və fərqli mühitə malik olduğunu ortaya qoyur. Kosmik tədqiqatlar zamanı astronavtların qarşılaşdıqları qeyri-adi hallar həm fiziki, həm də psixoloji sınaqlarla müşayiət olunub.

 Oxu24.com xəbər verir ki,ay missiyasında iştirak edən tanınmış astronavt Nil Armstronqun qeydlərinə görə, Ay səthindəki mütləq səssizliyə baxmayaraq, insan üzərində daimi bir izlənilmə hissi yaranır. Tədqiqatçılar bu spesifik hissin astronavtlarda güclü psixoloji gərginliyə səbəb olduğunu bildirirlər.

Bundan əlavə, Ayın arxa tərəfində tapşırıq yerinə yetirilən zaman Yerlə radio əlaqəsinin tamamilə kəsilməsi kosmonavtlarda dərin tənhalıq hissi formalaşdırır və bu mühit insan psixologiyasına ciddi təsir göstərir.

Kosmik missiya iştirakçılarından Bazz Oldrin Ay tozunun fərqli və kəskin bir qoxuya malik olduğunu qeyd edib. Onun sözlərinə görə, Ay mühitindəki bu toz hissəcikləri yanmış barıt iyini xatırladır.

Ay mühitinin digər bir xüsusiyyəti isə atmosferin və küləyin olmamasıdır. Bu səbəbdən astronavtların illər öncə Ay səthində qoyduqları ayaq izləri deformasiyaya uğramadan və silinmədən ilkin formasını qoruyub saxlayır.

Ayda cazibə qüvvəsinin Yerdəkindən dəfələrlə zəif olması hərəkət mexanizmini tamamilə dəyişir. Astronavtlar normal addımlamaq əvəzinə hoppanaraq hərəkət etməyin daha rahat olduğunu, lakin bu zaman tarazlığı itirib yıxılma riskinin yüksək olduğunu vurğulayırlar. Zəif cazibə mühitində yıxıldıqdan sonra yenidən ayağa qalxmaq fiziki baxımdan böyük çətinlik yaradır.

Missiyalar zamanı qeydə alınan digər bir fenomen isə Ay səthində görünən qəribə işıq parıltılarıdır. Elmi müstəvidə bu hadisə tam izah olunmasa da, mütəxəssislər bunu günəş şüalarının Ay tozu ilə reaksiyaya girməsi və işığın sınması ehtimalı ilə əlaqələndirirlər.

Tədqiqatların nəticələri göstərir ki, Ay sadəcə bərk süxurlardan ibarət göy cismi deyil, insan dözümlülüyünü və adaptasiya imkanlarını sınağa çəkən, hələ də tam mənimsənilməmiş kosmik məkandır.

Həmçinin oxuyun

Bakıda yaşayanlara xəbərdarlıq:9 günlük qadağa gecədən qüvvəyə mindi

Masaj salonunda əməliyyat: Xeyli sayda fahişə tutuldu

SENSASİYA! Mehdiyevi həmin ermənilərlə nə birləşdirir - Elə faktlar açıldı ki...

Əhalinin nəzərinə: Gecikənlər əlavə pul ödəyəcək