Qaynar xətt:

(+99450) 247 90 86

Üç ölkə arasında görünməmiş köç başladı – 17 ilin rekordu 

Üç ölkə arasında görünməmiş köç başladı – 17 ilin rekordu 

DÜNYA

49

10.11.2026, 08:46

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Rusiya vətəndaşlarının Gürcüstan, Ermənistan və Serbiyaya səfərlərinin sayı son 17 ilin ən yüksək həddinə çatıb.

Oxu24.com  xəbər verir ki, bu barədə Rusiyanın Federal Təhlükəsizlik Xidmətinin (FTX) Sərhəd Xidmətinin statistikasına istinadən “Vyorstka” nəşri məlumat yayıb.

Məlumata görə, 2026-cı ilin üçüncü rübündə, iyul-sentyabr aylarında 660,3 min Rusiya vətəndaşı Gürcüstana, 402,3 min nəfər Ermənistana, 64,8 min nəfər isə Serbiyaya səfər edib.

Hər üç ölkə üzrə göstəricilər son 17 ildə qeydə alınmış əvvəlki rekordları geridə qoyub.

Xüsusilə diqqətçəkən məqam Gürcüstana səfərlərin sayının Rusiyada səfərbərlik elan edilən 2022-ci ilin üçüncü rübü ilə müqayisədə 43 faiz artmasıdır.

Ermənistana səfər edən Rusiya vətəndaşlarının sayı son bir ildə 57 min, Serbiyaya gedənlərin sayı isə təxminən 14 min nəfər artıb.

Qeyd olunur ki, statistika yalnız daimi köç edənləri deyil, turizm və qısamüddətli səfərlər də daxil olmaqla bütün gedişləri əhatə edir.

Musavat.com