Süni intellekt dövrü: İnsanlar işini itirəcək? – Mütəxəsis  

Süni intellekt demək olar ki, həyatımızın hər sahəsinə daxil olub. Telefonlarımızdakı səsli köməkçilərdən tutmuş xəstəliklərin diaqnozuna, hətta sənət əsərlərinin yaradılmasına qədər bir çox işi artıq süni intellekt yerinə yetirir. 

Bir tərəfdən süni intellekt insan həyatını asanlaşdıran möhtəşəm imkanlar təqdim edir. Lakin digər tərəfdən narahatlıqlar da getdikcə artır. Ən böyük qorxulardan biri süni intellektin insan nəzarətindən çıxma ehtimalıdır. Süni intellekt müstəqil qərarlar verməyə başlasa və bu qərarlar insan maraqları ilə üst-üstə düşməsə, nəticələr ciddi problemlərə səbəb ola bilər. Bundan əlavə, süni intellektin kütləvi işsizliyə səbəb ola biləcəyi də tez-tez müzakirə olunur. 

Bu güclü texnologiya gələcəkdə həqiqətən təhlükəli ola bilər?

Sualımızı cavablandıran İKT üzrə mütəxəssis Elvin Abbasov Oxu24.com-a açıqlamasında bildirib ki, süni intellekt texnologiyalarının inkişafı son illərdə sürətlənib və getdikcə daha çox sahədə tətbiq olunmağa başlayıb:

Həmçinin oxuyun

“Frayburq” - “Braqa” və    "Aston Villa" – "Nottingem Forest" oyunlarını  hansı kanallar YAYIMLAYACAQ?

Prezident maaşların verilməsi ilə bağlı DƏYİŞİKLİYİ TƏSDİQLƏDİ

Prezident İlham Əliyev bu quruma yeni səlahiyyət verdi

İlham Əliyevdən məşhurlarla bağlı SƏRƏNCAM

“Süni intellektin yeni funksiyaları dayanmadan, bir axınla həyatımızı dəyişdirir. Hələ dünən mümkünsüz görünən bir sıra məsələlər artıq anındaca öz həllini tapır. Məsələn, köhnə fotoların bərpasına 50 il öncə rəssamlıq bacarığı olan şəxslər saatlarla zaman sərf edirdilər. Sonralar qrafik proqramların köməyi ilə bu işi xeyli az müddətə görmək mümkün oldu. Hazırda isə süni intellekt bu işə cəmi 1-2 dəqiqə zaman sərf edir.

Süni intellekt bir çox məsələlərin həllində yardımçı olduğu kimi, həm də bəzi sahələrdə işsizliyin yaranmasına səbəb olub. Bu gün intellektual əməklə məşğul olan insanların başı üzərində işi itirmək təhlükəsi günü-gündən genişlənir”.

Mütəxəssis qeyd edib ki, əmək bazarını gözləyən əsas dəyişiklik isə bacarıqların hibridləşməsi və yaradıcı iqtisadiyyatın yüksəlişidir: “2026-cı ilin reallığında süni intellekt insanı birbaşa əvəzləməkdən əlavə iş prosesində insanın rolunu strateji qərarverici və etik nəzarətçi səviyyəsinə qaldırır. Empatiya, tənqidi təfəkkür, liderlik və mürəkkəb emosional zəka tələb edən peşələr (məsələn, psixologiya, strateji idarəetmə və yaradıcı sənətlər) öz dəyərini daha da artırır. Qısası, bazarda rəqabətədavamlı qalmaq üçün artıq yalnız bir sahənin mütəxəssisi olmaq kifayət etmir; hər bir peşə sahibi həm də süni intellekti idarə edə bilən və rəqəmsal etika qaydalarına bələd olan bir "texno-peşəkar"a çevrilməlidir”.

Yeganə