SSRİ-də niyə qapılar içəri açılırdı? - QƏRİBƏ SƏBƏB

MARAQLI

882

02.10.2025, 00:25

Çoxlarımız Sovet İttifaqı dövrü həyatına dair nənə-babalarımız və valideynlərimizdən çoxlu nağıllar eşitmişik. 1 qəpiyə qazlı içkidən tutmuş SSRİ-də pivənin niyə bankalar və paketlərə töküldüyünə dair hekayələrə qədər o dövrün reallıqları indi bizə ağlasığmaz görünür. SSRİ-nin xüsusiyyətlərindən biri də içəriyə açılan qapılar idi.

Oxu24.com xəbər verir ki, UNIAN (Ukrayna agentliyi) sovet dövründə tikilmiş binalarda qapıların niyə içəriyə açıldığını araşdırıb.

Belə bir iddia var ki, sovet mənzillərinin giriş qapıları gizli xidmətlər və ya polislər asanlıqla daxil ola bilsinlər deyə içəriyə açılırdı. Amma bu cür mülahizələri bir kənara qoysaq, bunun kifayət qədər sadə və məntiqli izahları var.

Yanğın təhlükəsizliyi. Sovet dövründə konkret standartlara görə çox işlər görülürdü. O vaxt hesab olunurdu ki, çölə açılan qapılar yanğın zamanı insanların təxliyəsinə mane ola bilər. Belə hallarda bütün qapılar eyni anda açılsaydı, qaçmaq üçün çox az yer qalardı.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Dar keçidlər. Sovet dövründən qalma binalarda pilləkənlər və mənzillərin qarşısının kifayət qədər dar olduğunu görmüsünüz. Beləliklə, bütün qapılar çölə açılsa, qonşular narahat ola bilərdi. Məsələn, bir qapı digər mənzildən çıxışı bağlaya bilər. Bunu mənzillərin ümumi vestibülü olan binalarda görmək olar.

Digər səbəblər. Qapıların geniş formada belə quraşdırılması həm də hər şeyin o zaman dövlət standartlarına və sanitariya qaydalarına uyğun edilməsi ənənəsi ilə izah edilə bilər. Bu baxımdan, içəriyə açılan qapılar “qızıl standart” kimi müəyyən edilmişdi.

Bundan əlavə, bir çox insan bu yanaşmanı otaqda istiliyin qorunması ilə əlaqələndirir. Qapılar içəriyə açıldığı zaman daxildə istiliyin daha yaxşı qorunduğuna inanılırdı.