“QHT işi” üzrə ittiham olunanlardan bəzilərinin məhkəməsi başlayır 

“QHT işi” üzrə ittiham olunan şəxslərdən bəzilərinin məhkəməsi başlayır.

Cinayət işi üzrə bir neçə nəfər barəsində ibtidai istintaq yekunlaşıb.

Bəşir Süleymanlı, Qalib Bayramov (Qalib Toğrul) və Nərgiz Muxtarova barəsində başlanan cinayət işi baxılması üçün Bakı Ağır Cinayətlər Məhkəməsinə göndərilib.

Nərgiz Muxtarovanın cinayət işi hakim Leyla Əsgərova-Məmmədovanın icraatına verilib. Hazırlıq iclası oktyabrın 13-nə təyin edilib.

İbtidai istintaq zamanı ölkədə olmayan Nərgiz Muxtarova barəsində qiyabi həbs qətimkan tədbiri seçilib.

Bəşir Süleymanlı və Qalib Bayramovla bağlı işlər hələlik icraata verilməyib.

Xatırladaq ki, Azərbaycanda fəaliyyət göstərən bir sıra qeyri - hökumət təşkilatları ilə bağlı Baş Prokurorluğun İstintaq İdarəsində Cinayət Məcəlləsinin 192.2.2, 213.1, 308.2 və digər maddələri ilə cinayət işi başlanıb, ibtidai istintaq aparılır.

Həmçinin oxuyun

Baş prokurordan MÜHÜM AÇIQLAMA:"İstintaq orqanlarına bütün işlər məlumdur" +VİDEO 

Limfa düyünləri hansı xəstəlikdən xəbər verir?

Bakının bu ərazilərində evlər kəskin ucuzlaşdı 

Mehdiyevin Rusiyadakı şərikli biznesi... - "Eurohome"u da himayə edib? - Yeni iddialar 

Cinayət işi üzrə bir sıra qeyri-hökumət təşkilatları, onların rəhbərləri, həmçinin, xarici qeyri-hökumət təşkilatlarının filial və nümayəndəliklərinin fəaliyyətlərində qanun pozuntuları araşdırılır.

"İştirak Evi " MMC-nin təsisçisi və direktoru Məmməd Alpay (Məmmədzadə), "Benefisiar: Hüquqi Yardım Mərkəzi və Vətəndaş Hüquqları İnstitutunun rəhbəri Bəşir Süleymanlı və Sosial Hüquqlar Mərkəzinin rəhbəri Sübhan Həsənli Cinayət Məcəlləsinin 193-1.3.2 (cinayət yolu ilə əldə edilmiş xeyli miqdarda əmlakı leqallaşdırma), 308.2 (ağır nəticələrə səbəb olmaqla vəzifə səlahiyyətlərini sui-istifadə etmə) və 313-cü (vəzifə saxtakarlığı) maddələri ilə təqsirləndirilən şəxs qismində cəlb ediliblər.

Məmməd Alpay (Məmmədzadə) və Bəşir Süleymanlı barəsində Binəqədi Rayon Məhkəməsinin qərarı ilə həbs qətimkan tədbiri seçilib. Sübhan Həsənli istintaqdan yayındığı üçün barəsində axtarış elan edilib.

“Hüquq və İnkişaf” İctimai Birliyinin rəhbəri Hafiz Həsənov Baş Prokurorluğun İstintaq İdarəsində yerli və beynəlxalq qeyri-hökumət təşkilatları (QHT) haqqında cinayət işi üzrə təqsirləndirilən şəxs kimi tanınıb və onun barəsində məhkəmənin qərarı ilə ev dustaqlığı qətimkan tədbiri seçilib.

Daha sonra cinayət işi üzrə Gəncə Regional İcma Mərkəzinin rəhbəri Asəf Əhmədov, sosial işçi - hüquq müdafiəçisi Zamin Zəki və Əhməd Abbas oğlu Məmmədzadə həbs edilib.