Çeçenlər tərəfindən qaçırılan erməniyə qarşı cinayət işi açılıb

İstintaq Komitəsi iyunun 3-də axşam Çeçenistan təhlükəsizlik qüvvələri tərəfindən qaçırılan erməni əsilli iş adamı Areq Şepixinə qarşı cinayət işi açıb.

Oxu24.com  xəbər verir   ki, bu barədə idarənin mətbuat xidməti məlumat yayıb.

İstintaq Komitəsi bildirib ki, onlar Şçepixinin videoyazılarını öyrəniblər. Onun ifadələrində onlar “milli/etnik xüsusiyyətləri ilə müəyyən edilən bir qrup insana qarşı zorakılıq hərəkətləri törətməyə təhrik, habelə onların alçaldılması əlamətləri” aşkar ediblər.

Faktla bağlı ekstremizmə açıq çağırışlar (Rusiya Federasiyası Cinayət Məcəlləsinin 280-ci maddəsinin 2-ci hissəsi) və nifrətə çağırış (Rusiya Federasiyası Cinayət Məcəlləsinin 282-ci maddəsinin 2-ci hissəsinin "a" bəndi) maddələri ilə cinayət işi açılıb.

“Yaxın vaxtlarda onun barəsində cinayət işi açılacaq və barəsində həbs-qətimkan tədbiri seçiləcək”, - İstintaq Komitəsi əlavə edib.

Bir gün əvvəl İstintaq Komitəsi Areq Şepixinin oğurlanmasından sonra cinayət işi açdığını bildirib. İstintaq Komitəsi bu gün yaydığı press-relizdə işin adam oğurluğu (CM-nin 126-cı maddəsi) və vəzifə səlahiyyətlərindən sui-istifadə (CM-nin 286-cı) maddələri ilə araşdırıldığını açıqlayıb. Altı vətəndaşa qarşı ittiham irəli sürülüb. İyunun 5-də onlar profilaktik tədbir seçməyi planlaşdırırlar.

Mətbuat xidməti hazırda iş üzrə təqsirləndirilən şəxslərlə fəal işin davam etdiyini vurğulayıb. Hadisənin başvermə şəraitinin müəyyən edilməsi üçün qarşıdurma aparılır.

Areq Şepixini iyunun 3-də axşam oğurlayıblar. Bir neçə nəfər onu Yaroslavski dəmiryol vağzalı yaxınlığındakı meydanda tutub və Çeçenistan hakimiyyətinə aid olan sayrışan işığı və dövlət nömrə nişanları olan qara “Mersedes”in baqajına itələyiblər. Çeçenistan hakimiyyəti bəyan edib ki, Şçepixin dindarların hisslərini təhqir etdiyinə görə ona qarşı istintaq aparıldığı üçün “oğurlanmayıb, saxlanılıb”.

Şepixin dəfələrlə çeçen xalqını, Allahı və Quranı təhqir edən videolar çəkib.

İyunun 4-də iş adamının azadlıqda olduğu məlum olub. Baza-nın məlumatına görə, Çeçenistan təhlükəsizlik qüvvələrinin nümayəndələri gecə yarısına yaxın Şçepixini azad ediblər.

Nigar

Həmçinin oxuyun

Döyüş meydanında yeni ERA: PUA-lar və Elektron Müharibə sistemləri müharibələrin taleyini necə dəyişir?  

Azərbaycanda bu sahədə  yeni mərhələ başlayır —Prezidentin təsdiqlədiyi Qanun nələri dəyişəcək?

Leysanla bağlı XƏBƏRDARLIQ

Pensiyalarla bağlı RƏSMİ AÇIQLAMA