Almaniya Bundestaqının müxalif Xristian Demokrat İttifaqı/Xristian Sosial Birlik alyansının iki keçmiş deputatı rüşvət almaqda ittiham olunaraq məhkəmə qarşısına çıxarılacaq. 

Oxu24.com  xəbər verir ki, bu barədə Almaniyanın "Deutsche Welle" nəşri yazıb. 

“Azərbaycan işi” adlanan proses üzrə müttəhimlər siyasətçilər Aksel Fişer və Eduard Lintnerdir.

A.Fişer rüşvət almaqda, E.Lintner isə AŞPA-da Azərbaycanın xeyrinə qərarların qəbuluna təsir etmək üçün məmurlara rüşvət verməkdə ittiham olunur. Müstəntiqlərin fikrincə, AŞPA-da 2010-cu ildən çalışan Lintner 2016-cı ildə 19 saxta şirkət vasitəsilə bir neçə milyon avro alıb.

2010-cu ildən AŞPA-da da olan Fişerin isə 21 800 avro rüşvət aldığı deyilir. 

Məhkəmə yanvarın 16-da başlayacaq. Hər iki şübhəli günahlarını inkar edir.