Səudiyyə Ərəbistanı 2024-cü ilin əvvəlinə qədər neft hasilatını gündəlik bir milyon barel azaltmaq niyyətindədir.

Oxu24.com xəbər verir ki,bu barədə TASS məlumat yayıb.

Qeyd olunur ki, könüllü ixtisar əvvəlcə iyulda planlaşdırılıb, sonra isə daha iki ay uzadılıb. Sonra, ilin sonuna qədər azaldılması, lakin hər ay yenidən baxılması ilə bağlı qərar qəbul edilib.

Oktyabr ayında Səudiyyə Ərəbistanının energetika naziri şahzadə Əbdüləziz bin Salman OPEC+ çərçivəsində Rusiya-Səudiyyə əməkdaşlığının davam edəcəyini bildirmişdi.

Onun sözlərinə görə, bunun sayəsində neft bazarında sabitliyə nail olmaq mümkün olub. Bundan əvvəl baş nazirin müavini Aleksandr Novak qeyd edib ki, bütün OPEC+ ölkələri hasilatın azaldılması ilə bağlı öhdəliklərini yerinə yetirirlər.

OPEC+ bu yaxınlarda Fələstin-İsrail münaqişəsi ilə bağlı vəziyyətə görə fövqəladə iclaslar keçirməyi planlaşdırmadığını açıqlayıb. Bu barədə Reuters mənbələri məlumat yayıb. Agentliyin analitikləri hesab edirlər ki, Yaxın Şərq münaqişəsinin gərginləşməsi səbəbindən neftin qiymətində risk mükafatı artıq qurulub.

Müəllif:Afət