Evlilik təklifinə görə oğlanı polis idarəsinə apardılar - FOTO

CƏMİYYƏT

1119

12.07.2025, 23:14

Qeyri-adi evlilik təklifinə görə oğlanı polis bölməsinə aparıblar.

Oxu24.com xəbər verir ki, Türkiyənin Adana vilayətində qeyri-adi evlilik təklifi polis bölməsində başa çatıb.

Şakir Karakaya (29) sevgilisi Nazlı Gümüşə (26) silahlı hücum ssenarisi ilə sürpriz evlilik təklifi hazırlayıb. Lakin ətrafdakılar bu hadisəni real sanaraq təcili yardıma və polisə məlumat verib. Nəticədə gənclər ifadə vermək üçün polis bölməsinə aparılıb.

Avtomobil təlim mərkəzində işləyən Karakaya, həm iş yoldaşı, həm də uşaqlıqdan sevdiyi Gümüş üçün unudulmaz bir an yaratmaq istəyib. Əvvəlcədən planlaşdırılmış ssenariyə görə, Topalak bölgəsində sevgilisi ilə görüşən Karakaya, avtomobildən düşdüyü anda motosikletdəki kasklı dostu silahla ona atəş açırmış kimi davranıb və eyni anda torpil partladılıb. Karakaya yerə yıxılaraq üstünə qırmızı qida boyası töküb və vurulmuş kimi davranıb.

Hadisənin şokunu yaşayan Gümüş, sevgilisinin yanına qaçıb, lakin orada "Evlənərsənmi mənimlə?" sualı ilə qarşılaşıb. Qorxu və qarışıqlıq içində olan gənc qadın təklifi qəbul edib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Hadisəni izləyən insanlar isə səhnəni gerçək zənn edərək polisə və təcili tibbi yardıma zəng edib. Polis hadisə yerinə çatdıqda gənclər nə baş verdiyini izah etməyə çalışsalar da, məsələ ciddi qəbul edildiyi üçün Karakaya, Gümüş və hadisəyə qarışan dostları Yüzüncüyıl Polis Mərkəzinə aparılıb.

Hadisə ilə bağlı istintaq başladılıb. Sosial şəbəkələrdə geniş yayılan görüntülər isə həm tənqid, həm də maraqla qarşılanıb.