SON DƏQİQƏ! Ukrayna Moskvada mühüm mərkəzi vurdu

news/2025_07_11/202238_freedman_ukraine_1038x778_1752258483.jpg

DÜNYA

3406

11.07.2025, 22:23

Ukrayna Silahlı Qüvvələrinin bölmələri Moskva vilayətindəki Voronin Luxovitski adına aviasiya zavoduna zərbələr endirib.

Bu barədə Ukrayna Silahlı Qüvvələrinin Baş Qərargahı məlumat yayıb.

Baş Qərargahın məlumatına görə, müəssisə “MiQ-29” və “MiQ-31” tipli qırıcılar istehsal edir.

“Bu müəssisə Rusiya ordusu üçün hissələrin mexaniki emalından tutmuş son yığılma, uçuş sınaqları və Rusiyanın “MiQ” döyüş təyyarələrinin təhvil verilməsinə qədər bütün iş kompleksini həyata keçirir. Zavodun ərazisində partlayışlar və yanğın qeydə alınıb”, - qurumdan bildirilib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Həmçinin Ukrayna SQ-nin Xüsusi Əməliyyat Qüvvələri və Ukrayna Təhlükəsizlik Xidmətinin bölmələri Müdafiə Qüvvələrinin digər komponentləri ilə əməkdaşlıq şəklində akademik Şipunov adına Cihazqayırma Konstruktor Bürosuna zərbələr endiriblər.

Bundan əlavə, Ukrayna Müdafiə Nazirliyinin Baş Kəşfiyyat İdarəsindən bildirilib ki, iyulun 10-da Rusiyanın Tümen vilayətinin Xantı-Mansiysk Muxtar Dairəsində yerləşən Lanqepas şəhərində qaz kəməri partladılıb. Çelyabinsk, Orenburq və Sverdlovsk vilayətlərində Rusiyanın hərbi-sənaye kompleksi müəssisələrinə xidmət edən iri magistral qaz kəmərinin bir hissəsi məhv edilib.

Partladılmış qaz kəmərinin buraxıcılıq gücü ildə 2,6 milyard kubmetr qaz təşkil edir. “Qaz kompressor stansiyaları arasındakı məsafəni (təxminən 20 kilometr) nəzərə alsaq, partlayışlar nəticəsində zədələnmiş iki boruda təxminən 4 milyon 112 min m3 qaz olub”, - Ukrayna Baş Kəşfiyyat İdarəsindən vurğulanıb.(report)