Qazaxıstan hakimiyyəti Daşkənddən daha yaxşı qiymət şərtləri yaranarsa, Özbəkistana neft tədarükünü artırmağı nəzərdən keçirməyə hazırdır.

Oxu24.com  xəbər verir ki, bu barədə Qazaxıstan Energetika Nazirliyinin mətbuat xidməti məlumat yayıb.

Departamentin bəyanatında qeyd olunur ki, Özbəkistana neft tədarükü Şağır neft yükləmə stansiyasından (Şımkent) və Kasımov neft nasos stansiyasından (Atırau) həyata keçirilir.

"Əgər Özbəkistan tərəfi Çin və ya digər xarici ölkələrlə müqayisədə daha yaxşı qiymətlər və şərtlər təklif edərsə, biz tədarükün artırılmasını nəzərdən keçirməyə hazırıq", - nazirlik bildirib.

Bundan əvvəl Qazaxıstanın energetika naziri Almasadam Satkaliyev bildirmişdi ki, Qazaxıstan hakimiyyəti oktyabrın sonunadək Rusiya qazının Özbəkistana nəqlinə başlamaq niyyətindədir.

İdarə rəisi qazın ölçülməsi üçün ayrıca xəttin ayrılması ilə bağlı işlərin yekunlaşdırılmasından danışıb.

Sentyabrın sonunda Qazaxıstan Prezidenti Qasım-Jomart Tokayev Almaniyanın Federal Kansleri Olaf Şolz ilə danışıqların yekunlarına dair mətbuat konfransında respublikanın Drujba neft kəməri ilə Almaniyaya neft nəqlinin həcmini artırmağa hazır olduğunu bildirib.

Müəlif:Nigar